علموا من عال لا يغلـط عليـه=الغلط ماهوب من سلم الرجالـي
نردها ونصدها فـي كـل هيـه=ماعلينا مـن معقـدت الحبالـي
ضاعت الفطنة من رجال الحميه=مايعرفون الخفيف مـن الثقالـي
يمدحون اللي خلط ذيـه وذيـه=مايميز في الحرام من الحلالـي
يشبه اللي بين شمس وبين فيه=ماعرف وين العدال من الميالـي
النفوس الجاهلـة دايـم ظميـه=ماتذوق من الزلال الا الحثالـي
والقلوب الواعيـه دايـم وفيـه=قدرها مثل اليمين عن الشمالـي
والله أني ماني براعـي خطيـه=مير أميز في السمين من الهزالي
شاعر..ولاهمنـي راع المطيـه=يوم يعقلها ويـوم بـلا عقالـي
الكرامة مكسبـي والنـار حيـه=حافظ نفسي وحافظ راس مالـي
إخذها مني يابو نفـس رضيـه=مايغـط النـور رجـال مثالـي