| فهد الغنام |
08-Sep-2006 12:33 AM |
(( الموت المصير المحتوم )).. ماذا تعرف عنه..(( تفضل بقراءة هذه القصيدة))
بسم الله الرجمن الرحيم ...
اخواني القصيدة رسالة من خلالها نستطيع التأثير على قارئها وقد يستفيد ويتعض مما فيها فليكن للقصائد الهادفه والدينية نصيب مما نكتب ومما نطرح في هذا المنتدى الكبير .
ومن هذا المنطلق أحببت أن أطرح بين ايديكم هذه القصيدة المتواضعة التي أسميتها (عبرة)
أتمنى أن تنال استحسانكم ..... وارجو المعذره على طول القصيدة ..
((( عبرة )))
ذكرة الموت وأهوال العذاب وحشـة المقبـور=بعـد ونـس الحيـاة ولـذة الدنيـا لطالبهـا
ذكررة إلى بكوك وجهزولك خامـك المشبـور=وحطـوا حفـرةٍ بالخـد ملحـوده جوانبـهـا
وعليك الناس صلوا وانت مسدوحٍ على المجبور=على ظهر النعش حطِيـت وأقفتبـك ركايبهـا
وعقب منتب على وجه الوسيعه عايشٍ مسرور=دنت منك المنيّـه وخطفـت روحـك مخالبهـا
ذكرة امك إلى منه بكتـك وخاطـره مكسـور=دمـوع اعيونهـا لاجلـك مكثّـرتٍ صبايبهـا
تشوفك يـوم قفّوبـك وخلانـك وراء طابـور=خذت منها الليالـي والسنيـن أغـلا حبايبهـا
وابوك العود مجزيه الخبر لوّ يدّعـي بسـرور=يخّفـي ونـتٍ داخـل حشـا قلبـه يجاذبهـا
تظاهر في قوي الصبر وألاّ ضامـره محسـور=شكى حزنه على من نزّل الماء من سحايبهـا
ذكرة القبر والظلمه بعد وسع الفضاء والنـور=إلى بني اللحـد فوقـك وهلّـوا مـن ترايبهـا
وسكنت بدار كلٍ ساكنه لوهو سكـن بقصـور=ديارٍ كـل مـا جيتـه عرفتـه فـي نصايبهـا
ديارٍ ما يجيك ابها رفيـق ولا قريـب ايـزور=بها ضيقٍ وظلمه يـا عسـى ربـك يرحّبهـا
وعذابٍ بالقبور اشد من يوم اللقـاء المخبـور=تضيق النفس مـا تلقـى ملاقيـفٍ تخاطبهـا
ذكرة البعث وأهواله يجي يومه سنه وشهـور=ونفسك من عظيم الشان يبداء مـن يحاسبهـا
يجيك اربع ملوك وينكشف عن وجهك المستور=شهودك من جسدك اليـوم مـا تقـدر تكّذبهـا
عليك الرجل والذرعان تشهد والعمـل مخبـور=قليل الديـن والطاعـه بـداء نفسـه يونبهـا
بعد فوت الفوات اليوم ما ينفـع كثيـر الشـور=خساير نفسك ابدينك محـت جملـة مكاسبهـا
نسيت امك وابوك وصاحبك واللي معك بالـدور=وقفت بماقـفٍ نفسـك نسـت حتـى قرايبهـا
ومن ياخذ كتابه في يمينـه ياعـرب مبـرور=رضى عنه الولي نفسه جنت غالـي مطالبهـا
يحـطّ بجنـةٍ فيهـا نبـي الله ومعـه الحـور=يفوح المسـك والعنبـر إلـى هبّـت هبايبهـا
ومن ياخذ كتابه في شمالـه خاسـرٍ مثبـور=تمنـى لـوّ يرجّـع للحيـاة ولا يفـوز ابهـا
يحطّ بزمهرير امع اليهـود وعابديـن الثـور=يكبّـل بالحديـد ومـع تلابيبـه يقـاد ابـهـا
ولكن حاسب النفس الرديّه لا تجيـب اقصـور=ترا نفس الفتـى تغويـه دام ابليـس راكبهـا
ولا تغتّر في طول المـدى دام الزمـان تـدور=ترا موتك قريب أقرب لعينـك مـن حواجبهـا
عليك ابطاعة المولى وخلّ المصحف الدستـور=وجنّـب شلـة التنصيـر لا تتبـع مذاهبـهـا
ترا مالك رصيد ألا الصـلاة وحجـك المبـرور=ولا تنسى تصوم الفـرض والسنّـه بواجبهـا
وزكاةٍ تدفعه حتى ولو كـان العطـا ميسـور=تفرّج كربت اللي لو بغى مـا هـوب طالبهـا
وحذراء من عقوق امك وابوك ودعوة المقهور=ولا تبهت عروض النـاس بالغـرات تشذبهـا
ولا تتبع كثيريـن الخطايـا شاهديـن الـزور=تهـاون بالشهـاده مـا تفكـر وش عواقبهـا
وجارك لا دعى لبّـه وقـل ياجارنـا مشكـور=ترا لابد مـن يـومٍ تعـاف النفـس صاحبهـا
وترا هاذي نهايتنـا نمـوت ونندفـن بقبـور=ومن عقبه تفيض الـروح للخالـق يحاسبهـا
اخوكم : فهد الغنام الشمري |
