القلب يحزن والغلا عنه سالي=مدري مع الايام والا بهمه
واللي مع الايام من دون والي= انا اشهد انه جاب فـيني مطمه
مرات احس اني بليلي لحالي=ومرات احس ان انشغالي يهمه
ياطير ياللي بالسما فوق عالي=دوك الكتاب ابغاك توصله لمه
قله ترا الايام مر(ن) وحالي=والماء ترا صافيه بخلاف جمه
ولو المطر ماكان قبله خيالي=ماكان شفت الناس خلف الائمه
حكمه فرضها الله عزيز الجلالي=حكمه فرضها الله على كل امه
والصاحب اللي سابقا كان غالي=اصبح مع الايام فـيني مذمه
راح وتولى وانقطع عن وصالي=ماعاد يعنيني ولا عاد اهمه
سالي وانا عن قاطع الوصل سالي= لا هو لا يمي ولاني بيمه
خلاص ابنزع صورته من خيالي=واختم بيوت سادها قاف امه