شيـن الرفاقـه علتـه مالهـا دوى=والصبـر زيــن والأحتـمـال دواه
إرتـج عـزاك كمـا يرتجـى الحيـا=حيا الصيـف حتـى ترتعـي مرعـاه
عزاك سلاح الضيق تنطح به العـدى=ومن قـل جيشـه يفرحـون عـداه
وحذاري تطاوع شور من جنب القدى=تجـنـبـه لاتسـتـمـع مـلــواه
كنوناً عن الواجب حريص على الخطى=يحـب شــق الـثـوب مايـرفـاه
وأن سالت الوديـان والسيـل اكتبـر=وكـلاً مـن الوديـان جـاب مــلاه
بعـض الشغايـا لايغـرك سيلـهـا=مـراح عـرب يشـرب دمانـه مـاه
وترى مارفيقاً الا صبوراً على الشقى=وأنـت فهيـم ولا لــزوم وصــاه
هذي وصاتي يابـن عايـش ضمهـا=وآخــر كـلامــي فـمــان الله