=الــــــشــــــيــــــوخ
ما عتمدت إلا على ربـي وانـا عبدٍلـه=اعبد الله مـا عبـدت العالـم النصابـه
من يحاول كل يـوم يشـوف فيـه خلـه=لو لقابـي خلـةٍ ماضفـى علـي ثيابـه
لا يقول اني ليا مال الدهـر عـونٍ لـه=المعين الله وغيـب الوقـت مـا يدرابـه
ما سترحت بضل غيره حتى اجي في ضله=ولاطلبـت إلا كريـمٍ مـا يسكـر بابـه
والرفيـق اللـي يعاتبنـا بلـيـا زلــهه=و يبينا صـم بكـمٍ مـا نقـول الجابـه
كان مطلوبه من اصحابه ماغيـر الذلـه=لايصاحبني على الذله يشـوف اصحابـه
والعلوم اللي سـوات السبحـة المنهلـه=مـن يجمعهـا ويتبعهـا تزيـد انشابـه
اختلط شيخ الدراهم هـو وشيـخ الشلـه=كـل وادي فيـه شيـخٍ رافـعٍ مشعابـه
كل من كثـرت فلوسـه وانتفـخ سؤلّـه=انـه اللـي فالعلـوم الكايـده يعـدابـه
وقام يركض بين خلق الله خبيـب وشلـه=الشهود الكذب الأزرق والفـزوع كلابـه
الله اكبـر يـا زمـانٍ مـا عرفنـا دلـه=كـل يـوم يهوشنـا ويعضنـا بأنيـابـه
الضماير فيـه مرضـى والكبـود مغلـه=والمناظـر والمظاهـر كلـهـا جـذابـه
يا عظيم الشان ثبتنا علـى افضـل ملـه=واكفنـا الحسـاد والنمامـه المغتـابـه
=مـحـمـد مــطــر الـسـمـيـري

الله اكبـر يـا زمـانٍ مـا عرفنـا دلـه=كـل يـوم يهوشنـا ويعضنـا بأنيابـه
الضماير فيـه مرضـى والكبـود مغلـه=والمناظـر والمظاهـر كلـهـا جـذابـه
يا عظيم الشان ثبتنا علـى افضـل ملـه=واكفنـا الحسـاد والنمامـه المغتـابـه

المشاركة الأصلية كتبت بواسطة abosliman2005m (المشاركة 271390) الله الله صح لسان قايلها؛؛ الله لايهينك اختلط شيخ الدراهم هو وشيخ الشله*&*كل وادي وفيه شيخ رافع مشعابه0 كل من كثرت فلوسه ونتفخ سوله *&* انّه اللي فالعلوم الكايده يعدابه0 عزالله انك صادق الله يخرجنا من منكرين النعمه 0