هجوسي معودها على رفع راسي فوق = في أمورٍ كثيره لو عصتني مااطاوعها
ولاأرضا الاهانه والتماته من المخلوق = واذاني للهراج ماأرخي مسامعها
ولاأخذ كلام(ن) مصدرٍه ماهو ابموثوق = واحاول وراجع كلمتي قبل اطلعها
واعرف القلوب السود من مبتدأ المنطوق = ومن بيني وبينه علاقات اقطعها
وقوم الردى والبوق مايتركون البوق = ومن سابق الايام نعرف طبايعها
واسيّر قدم رجلي مع خالي الرقروق = واعرف المدينة ماجهلت بشوارعها
ولن دق هاجوس المعاني على الطاروق= اجيب احسن الامثال واكب ظايعها
اساير زمان(ن) دمي اصبح منه محروق = واشوف الشدايد والهوايل واصارعها
زمان مضى حالي وكنه حليب النوق = عيوني على فرقاه تذرف مدامعها
وقلبي ليامنه طراله يشوقه شوق = ولو اقدر بترجيع الايام ارجعها
ودار الفلك بامر الله ولا بقي معلوق= تنحّت ركاب الوقت واصحابها معها
ولازال باقي في سمانا تلوح بروق = مخايل تخيّل والهبايب دوافعها
واحد شرب كأس المر واحد(ن) يذوقه ذوق = واحد كل كيسان الحلاوه مقرطعها

المشاركة الأصلية كتبت بواسطة بدر الغبيوي (المشاركة 268714) صح السانك واعتلا شااانك يالقرم تحياااتي

المشاركة الأصلية كتبت بواسطة مرزوق العتيبي (المشاركة 268833) .. . ابو طايل صح لسانك على هالجزاله .... ياجزل ..

قصيده رائعه

ياسعود صح لسانك

لك التقدير والإحترام