اتمنى ان تعجبكم هذه الالفيه .... مع انها قديمه (قبل سنتين تقريبًا)..

الالف ابا ادعي ربي اغفر ذنبي =يامفرجن هم الصدر والكربي
طالبك يامولى البشرتلطف بي = ياعالمن ما بالضمير ايكنا
والبا بدعت القاف جزلن وافي =قافن امكمل بالمعاني ضافي
منظوم مضمونه ازلالن صافي =حتى غدى مثل السيوف ايسنا
والتا تعنيت ابهوى مزيونه = مجمولةٍ مثل الدرر مكنونه
حتى غدت روحي بها مفتونه = يالله من اسهوم الهوى تامنا
والثا ثنى حبل الوصل بيدينه =ولافاد به زين الحكي مع لينه
وانا ذبحني شوقها من حينه =وقامت صواديف الدهر تلعنا
والجيم جاوبت الحمام ابنوحي = اشكي لها همن ابجوا اروحي
واقول كانن الحبيب يوحي = يلطف ابقلبن قد تعب واتعنا
والحا حداني عن وصاله حادي = اللي حرمني من حبيب افوادي
وجهن غضيب وقد غشاه اسوادي = وارشاه مع ورد النشامى ايثا
والخا خياله فدم عيني دايم = طير الهوى في جو حبه حايم
وانا ابحره مغرمن ومهايم = انوح من فرقى الغضي وا ونا
والدا دوايه ياعرب واعلاجي = من هاجسن بين الضماير لاجي
شوف الذي نوره علينا باجي = غرون كفوفه بالخضاب اتحنا
والذا ذكرت ايامنا اللي زلت = وروحي على ذيك الليالي حنت
ولا يوم عن وصل الحبايب ونت = لو الغضي يبعد دياره عنا
والرا رماني من عيونه رامي = بسهمن ولج وسط اللحم واعظامي
لو يضرب ابعيرن برك ماقامي =شفت الجمل عقب الهدير ايحنا
والزا زواني شوقها وابكاني =يوم اشعلت في ضامري نيراني
ياسيدي ماترحم الولهاني = وراك ما ترفق بنا وتحنا
والسين ساهرت القمر وانجومه = يسمع لهمي واستمع لهمومه
عزي لنفسن بالهوى مهيومه = تقرع مع الغربي اقراع الشنا
والشين شيّب عارضي من صده = والصبر وصل ياجماعه حده
وانا انتظر منه الجواب ورده = وقامت مراسيل الهوى يسعنا
بعيون نجلن كنها شيهاني = غاراته لصيد الطيور اتشنا
والضاد ضيعني هوى المجموله = مثل البعير اللي برك بحموله
بأرضن خلا والموت فيه وحوله = وايقن هلاكه عقب ليله جنا
والطا طويت الياس عقب افراقه = مثل السجل اللي طوي بأوراقه
ولازارني ياكود طيف اشواقه = ليا سج فكري في هواه وغنا
منه الضماير يوجفن اوجافي = اوجاف هجنن ضاميه وردنا
والعين عامن قد مضى ماشفته =وقبله شهورن ياعرب مازرته
طاوعت قلبي ليتني ماطعته =وليت العلوم اللي لفن ماجنا
والغين غاب ولا حكالي عذره =ولا عاد ياتيني وانا ما مره
مدري علامه ياترى ويش امره =عزّل وقفى ما يبى موطنا
والفا فوادي من الهجر ملاعي =سيف الهجر وصط الحشا قطاعي
. و لمهجتي وعروقها نزاعي =وعيّن مشاريب الزمن يصفنا
والقاف قامو فوقنا العذالي =بهروج عوجن بين قيل وقالي
كذبان شينين الطبوع انذالي = واعلومهم واخبارهم وصلنا
والكا كتمت اللي جرى في صدري = ماابغى حدن باللي جرى لي يدري
ماابديه يم الناس طول العمري = لو الليالي بالشرك يرمنا
واللام لله مانبيح السدي = نوف العهود ولانخون العهدي
نوف الوعد من عهد ابوي وجدي = كنا على فعل النقا ولازلنا
والميم متنن ماتشد اعضوده = اخير له لويكسرن ازنوده
ليا ثارت الهيجا طفى باروده = ما تثمر اغصونن بعد يبسنا
والنون نوًا بارقه خايلته = سرّى وانا في ليلتي ساهرته
هيض اشجوني ليتني ماخلته =انا اشهدن اسهومها ما اخطنا
والها هذاه اللي يقول الجداعي = من لابتن مابين قرم وشجاعي
تلوي ولا يلوى علاها الذراعي = يشهد لها التاريخ منا ومنا
والواو وين اللي يبوج الفرجه =زنده على قطع الفيافي سجه
ماهوب برخمةٍ سريع الهجه = لا ا وحى الصياح يطير مثل الجنا
واليا يقول اللي رجى ماعندك = يالله تغفر كان انا ماطعتك
او من قصورن فاعله في حقك =يا من يمن ولا عليه ايمنا

وسلامتكم
نوح صقر العتيبي