قصيده للشاعر/ كديميس بن صالح العصيمي
يقول فيها

هاضني قافٍ سمعته وانا امشي فالطريق=شدني واشتدت الذاكره من شدته
من عليلٍٍ شاعفه ماشعف راع الحريق=علته واعراضها نسخةٍ من علته
علقه طرد الهوى بالمعاليق اتعليق=لين صار الشيخ ابو زيد تذرف دمعته
راوده شخصٍ من البيض منسوع الدليق=وآخذٍعنق الغزال الفريد ولفتته
بادله كاس المواليف والمنطق رقيق=والمواعيد الخفيه سبايب خفته
ذكر الشايب شبابه مع الخبر العتيق=لا طراله جِدته ون واخفى ونته
خايف من كلمةٍ من عدو ومن صديق=وما يقال بغيبته مايقال بحضرته
العدو يرسل قذايف مدافع منجنيق=والصديق من المحنه يلوم ويشمته
شايبٍ بعد الثمانين عيا لا يفيق=حكمته بين الجوانح تصارع رغبته
ويدري ان ارجاع الايام شيٍ مايليق=مار عجزت طولة الوقت تخفي نظرته
ومنهجه صعب المكاسب وقافيه اتحقيق=تمرته بعدالتعب ماتعادل جمرته
ويدري ان الموت قافيه والحاسب دقيق=مار ميس من ثواب الرحيم ورحمته
الهوى مثل البحر كم غدابه من غريق=من سلم من ضفته ماسلم من غبته
من ركب تخت المناوي واحاط به الغميق=دخله موج البحر وانفلت من قبضته
مثل راعي عبرةٍ سمرت به فالمضيق=واقتفته العاصفه مارجع من سفرته
والكثير من الضحايا سقط خلف الزريق=مرةٍ مد النظر مرةٍ مع جرته
والعذارى عجزن من يردون الوسيق=طرفهن مثل الحسام الصقيل وسلته
كم شقرديٍ اليا اقفى السلف عيد الرفيق=طامع يحتل معشوقته واحتلته
واغلب النسوان فيهن عزوف عن الشقيق=ولو يزل الاجنبي يدمحله زلته
وفيهن اللي كنها زول حصنيٍ يويق=كل من لوحلها بالمحبه خمته
لاجمال فالحلايا ولاسدٍ وثيق=واخسارة كل من دلها وادلته

المشاركة الأصلية كتبت بواسطة خالدالعصيمي (المشاركة 280376) لاهنت على الابداع من شاعر الابداع لاهنت

حياك الله اخوي خالد

تشكر على المرور

المشاركة الأصلية كتبت بواسطة خالد اوصاهب (المشاركة 280652) نواف منصور اشكرك على المجهود الطيب لاعدمناك ولا عدمنا شاعر عتيبه ... كديميس

خالد اوصاهب

اشكرك على المرور

المشاركة الأصلية كتبت بواسطة نامي (المشاركة 280931) السلام عليكم ورحمة الله وبركاته يعطيك العافيه ولا هنت على القصيده وصح لسااااااان شاعرها انا ضيف جديد واتمنى تكون الفائده متبادله فيما بيننا ودمت للمعلوميه عندي قصايد جديده للشاعر

وعليكم السلام ورحمة الله وبركاته


حياك الله يانامي


ولا تذخر عطنا ماعندك