مطلق الثبيتي=
يالابس الثوب الاحمر كل شيٍ فيك مزيون=حتى حجاجاً على عينك مثل قوس الهلالي
مفتون من بسمتك ومحمد ابن تويم مفتون=ليتك خويي شريكي يابعد روحي وحالي
محمد بن تويم=
يالابس الثوب الاحمر مشيتك بالهون بالهون=والخوف من مدرج الافلاك مرتفع الجلالي
تراك جننت مطلق والا أنا ماني بجنون=اولا بخليك تاخذ مكسبي مع راس مالي
مطلق الثبيتي=
في عينها الأوله ياكن رمح ذياب مدفون=وفالعين الاخرى تجرّد سيف ابو زيد الهلالي
ومن لا يميّز جماله مايعرف العال والدون=يسرح ويضوي قليل المرجه والبال خالي
محمد بن تويم=
طمعتك ماهي زبيده وأنت لاتحسبك هارون=يابو شماغٍ حمر ماهو مثل لون العقالي
والعود سبّوه والا ياعتابه لا تسبون=لو يركب الخيل سمّوه أول وسمّوك تالي
مطلق الثبيتي=
ياشمعة الطائره ودي بضحكة سن عربون=ولياحصل منك ضحكه سن هذا شف بالي
لو تستمع في نصايح شايبً يعكز على شون=حطك كما المر وأنته في طوال الوقن حالي
محمد بن تويم=
من ضحكته ترتجف لكن ماهو منك مضمون=لا تمتني عشرته خلّك عشير أم العيالي
يالشايب أنته كما موسى ومطلق مثل فرعون=اللي عليه اصطفق موج البحر مثل الجبالي
مطلق=
الله عزيز الجلال امره مابين الكاف والنون=يا ما مضالي على درب الهوى ياما مضالي
وأما أنت ياشايب الرحمن ظهرك صار عرجون=اكلو هل النخل تمره وأكلته سود الليالي
محمد بن تويم=
اظن ماعندهم قز ودلالً فوق كانون=عيّت تسوّي غدانا ام الكحل وأم الدلالي
والحض معها يأهل بيت الكرم من دون في دون=واخاف تحكم يابو فيصل على سلم الريالي
مطلق=
ترى العوض عند ابو يحيى وسر العلم مضمون=الصاحب اللي يصب الهيل في صفر الدلالي
وانا ترى من سبب فعلتك يابن تويم مغبون=بعد نبت فيك شعر الذيب جلّيت الغزالي