مدري عن الأيـام ويـش أفعلتبـي=لكـن أنـا هذا بعد فـعـل الأيــام
ودتنـي الأيـام واليـوم جتـبـي=ماعلمتنـي غيـر تفسيـر الأحـلام
تبعدبـي القيفـان حتـى قصتبـي=وألام وانـا ياعـواريـف مــألام
جرّحت بحروفـي معاليـق كتبـي=وسيّلت بخدود الورق دمع الأقـلام
واللـي مولعنـي بكتبـي ورتبـي=نـاس ٍ يعرفـون العدالـه وظـلام
تشيلنـي بلسانـهـا وأضربتـبـي=وزادو على الحلفان بإيمان الأقسـام
لأقفيـت عنهـا كنهـا مادرتـبـي=ولامن حضرت علومها راحت أوهام
بالـزور والبهتـان يامـا رستبـي=وياما صبرت وقلت للصبـر قـدام
أصبر وأشيل أوجاعي اللي صطتبي=مثل الجمل منحوز ومصاب بهيـام
وسود الوجيه أدوسها وإن حكتبـي=هامات مانجزع من هروج الأقـزام
أنا علـى هقـوات رووس هقتبـي=قوم على الطاله يسوقـون الأقـدام
فعـل ٍتشوفـه كـان ماصدقتـبـي=ذكره يشيّب جاهـل ٍ دوبـه أفطـام
للعين شوف وعزوتـي لاعتزتبـي=للموجبـه حايـل وللخشـم لطام