سـلام منـي للمقـدم تريحيـب=اعداد ما خط القلم بيـد كتـاب
لقيت بالعتبـان خمسـة عذاريـب=الطيب والنخوه وتقدير الاجنـاب
دون الخوي يا طون حر اللواهيـب=وان حدت الدنيا يفكون الانشاب

من نشد ويريد شارع لقى له شارعيـن=شارع الكيف المهيل وضيفه ما يجـوع
وشارعٍ للعود الأزرق وهيـفٍ للسميـن=كلها تنصاه طـرق المراجـل والفـروع
كاسبٍ قوله نعم مـن فعولـه باليميـن=ما كسبها بالدعاية ولا جت بالخضـوع
وكل ربعه مثل قول المثل خشمٍ وعيـن=نعم بالرئيـس نقولـه ونعـم بالربـوع
مجلسه فيه المراكـي حـدود الأربعيـن=وكل مركى عند خشمه صحن بقل وقدوع
للضيوف وللعواني جمـع دنيـا وديـن=والقبول الزين تجلس سنة والاّ سبـوع
عند قصر الشيخ تلقى جيوب الزائريـن=مثل سيارات فوج صرف يـوم الربـوع
ولو يزوره ضيف واحـد بـداه بدلتيـن=وأعلنوا حالة طواري هله مثل الفـزوع
هكذا فعلـه وطبعـه قديـم وهالحيـن=مثل طبع إبن عبيكة* ويانعـم الطبـوع
لابسين أغلى الملابس قديـم وهالحيـن=كل ماجاء وافد قدموا مـن كـل نـوع