=يافكرتـي مـن هجرتنـا اللـي فيـهـا تفاختـنـا
= وضيّعنـا فيهـا مشيتنـا بالتمـادي فـي الجهالـه
=الشايب ماعنده لزمه فكـره ضيّـع جمـع الحزمـه
= ولأبن عمّه عـوّد نقمـه وضيـع فكـره وإعتدالـه
=والنشاوي لبس هـدوم كـلٍ عنـده ضحـك ونـوم
= ولهم ريغه ولهم حوم وهـات بيالـه واخـذ بيالـه
=والعالـم فـي طبايعهـا مختلفـه مثـل اصابعـهـا
= وذراع السابـق تطلعهـا والطـيّـب وافٍ مكيـالـه
=فيهم رجـلٍ مخّـه قـار شبـره وافٍ فـي الاشبـار
= ريف الضيف وعز الجار وناشٍ على كسـب الطالـه
=وفيهم مـن يتعـب ممشـاه واليـا بغـا دربٍ جـاه
= يشـدي لسهيـل ومبـداه والحمـل الكايـد يشتالـه
=علـى الكايـد ينعديبـه وعلـى الطيّـب ينبديـبـه
= وكسب الطاله من نصيبه يكسبها من طيـب افعالـه
=يرقـع خصّـات الصديـق ويدمـح زلاّت الرفـيـق
= ولا عنده فيهم تفريـق ويجمـع حزمتهـم بحبالـه
=لكـن اليـوم العربـان عـذ بالله مـن الشيـطـان
= كـلٍ معـه أم الصبيـان ومنشقـرٍ مثـل التغزالـه
=فيهـم رجـالٍ مهيـاف بالسنحـه مافيـه إخـلاف
= وعنـد الـلازم ماينشـاف ولا يفـرح مـن تعنّالـه
=وفيهم رجـالٍ غـدور دايـم هرجـه فيـه إعقـور
= ولالـه ذمّـه ومعثـور والعلـم الطـيّـب يبـرالـه
=العلـم الزيـن يخليـه والعلـم الشـيـن يمشـيـه
= والناقـص مـن يوفّيـه والذمّـه عـنـده بطّـالـه
=يجمع هـاذي مـع هاذيّـه والذمّـه عنـده ملغيّـه
= والله يمحق شين النيّه لو أمهل لـه يضعـف حالـه
=وفيهم رجلٍ ماله شيمه دايم يمشـي مشـي بهيمـه
= واليـا سمـع بالوليمـه جـاك بورعـه وام عيالـه
=ورعه دايـم فـي شليلـه والثانـي بيـداه يشيلـه
= وان بحثته عن حصيله مايعـرف عمّـه مـن خالـه
=يحسب من عرض الدّواهي ومن كثر اكله جسمه باهي
= ياكل تمر ويشرب شاهي وملا بطنـه يشـرح بالـه
=وإن رجعنا للنسـوان فيهـن خيـل وفيهـن ضـان
= ختلفـاتٍ بالالـوان مثـل الرجـلـي والخيّـالـه
=فيهنه مثـل الشاهانـه نـورٍ فـي البيـت وتكانـه
= والشجره شجرة ريحانه مـن حـض اللـي تهيّالـه
=وفيهنـه مستـورة حـال خالطـةٍ عقـل وجـمـال
= ماتسمع في قيل وقـال ولا جـت بهـروج القوّالـه
=مأذت ورعان اقطراها لا سارت في السـوق إخطاهـا
= وغيبات الرجل إتحماها وهاذي من خيل ابن طوالـه
=ماتصلح عنـد المسكيـن اللـي وجهـه دام شيـن
= وان شاف وجيه اللافين ماتـت قدمـه نـار دلالـه
=تصلح له غمّاً مذمومه عن زين المنطـق معصومـه
= متكهملـةٍ مثـل البومـه مايرقـد معهـا لـو لالـه
=لكن الخالـق معطيهـا مـن نـاسٍ ماتسمـع فيهـا
= مجـوّدةٍ علابيهـا ولايـفـرق زمــل الجمّـالـه
=مايفـرق زمـل التهمانـي دايـم مشيـه قيطرانـي
= وكلٍ مربـوطٍ بالثانـي ولا واحـد ينسـاق الحالـه
=وفيهـن غمّـاً مزمغـدّه دايـم تـوزر عنـد البـدّه
= ا لشوق تصـدّه وتـرده لـو مايعطـي غيـر نعالـه
=دايم توزر مثل المجري وان نشدهـا قالـت مـدري
= هاذيّـه صيفتهـا ماتبـرى منهـا علّتـهـا
=الله لا يسقـي ديرتهـا مـن نـوٍّ يمطـر بخيـالـه
= والعالـم هـذا ممشاهـا خلقهـا ربـي واحصاهـا
=ويحاسبهـا عـن خطاهـا وكـلٍ مجـزيٍ بأعمالـه
= و من شاف العالم مختلّه يترك ممشاهم واحسـن لـه
=لا ينظرهم يدرق في الله عن يـومٍ يوحـش بأهوالـه
= عن يومٍ فيـه الانسـان كـلٍ يوضـع لـه ميـزان
=ويواجـه ربّـه عريـان والجنّـه والنـار إقبـالـه
= وراع الخير اللـي مضّـاه يـوم انـه حـي بدنيـاه
=يلقـى قدّامـه جـزاه ويظـلّـه ربــه بأضـلالـه
= واللـي نيّاتـه ملتويـه وهـوه يحسبهـا مستويـه
=والله عنده شربة مويه مافـال اهـل الطيـب إبفالـه
= الله وبجاهـه يحمانـا اللـي خلقـنـا وأحصـانـا
=ويجنبنـا عـن خطانـا رب ا لـعـزّه والجـلالـه
=خالد بن نويفع السميرى