يامحمد أزعلت ابو مشعاب وحبيّب=شاعر سليم الكبير..وشاعر عتيبه!!
اللي ليا غنّوا الطاروق ماشيّب=معنى ..وفكره..وقافيّه..وترّكيبه!!
بغيابهم كنْ معنى الشعْر متغيّب=وبوجودهم يرجع المعنى من الغيبه!!
معناهم اليا ابعدوه..يعوّد قريّب=واليا اقربوه ابتعد.. ما واحد يجيبه!!
كم واحداً لا قربهم صار متهيّب=ترعد كفوفه..ولا تثبت عراقيبه!!
يوم ان وضع الشعْر ماهو بمتسيّب=وهالحين كلاً يفتل رؤس أشانيبه!!
اللي ماهو ذيب..صار اليوم متذيّب=ويرتاع لا مرّ بالنير ..وذكر ذيبه!!
شاعر ليا قام في ماقفه ماخيّب=واللي يخيّب لو أنه قام..والخيبه!!
الطيب تلقاه عند الصاحب الطيّب=طيبً بقلبه.. وباقي الطيب في جيبه!!
و(الفكره البكر)..غير (الفكره الثيّب)=قدام لا نشوف(غسان)وتلابيبه!!
ترى ملوك الشعْر ..(مستور وحبيّب)=وترى هل الشعر دايم (ربعي عتيبه)!!

و(الفكره البكر)..غير (الفكره الثيّب)=قـدام لا نشوف(غسان)وتلابيـبـه!!
ترى ملوك الشعْر ..(مستور وحبيّب)=وترى هل الشعر دايم (ربعي عتيبه)!!