واقلبي الي فيه حر اللواهيب = يصبح على حالن ويمسي على حال
عذبتني يا ناعس الطرف تعذيب = عذابك الي ذقته انواع وشكال
من غبت عني يا جميل الرعابيب = اجر موالن ولحقه موال
اقنب عليكم مثل ما يقنب الذيب = لا يا عيون الي على روس الاقذال
ياشبه منهي لبسوها الدباديب = شقحا ً تزرفل مع مغاتير فنجال
الي خذت لولى على الشمخ النيب = راع الولع لا شاافها صاابه اهبال
نشميتن متسلسله من هل الطيب = الي لهم في ذروة المجد منزال
الااد رووق اهل الكرم والمواجيب = قومن تضد ارجال وتعزز ارجال
لا جا نهار ٍ فيه ثار ومطاليب = يعرف ردي الخال من طيب الخاال
تاريخهم معرووف ويعج بالطيب = امورخن لجيال من بعد الاجيال
وصلااة ربي عالم السر والغييب = على شفييع الخلق في يوم الاهوال