ليـل(ن) سهرتـه مايسـر الصحيبـي=ليـل(ن) مقـدر يامكافـي لـلاقـدار
فكـري يعاتبنـي وقلـبـي حريـبـي=وانا من اللـي صـار لاشـك محتـار
جانـي هجوسـي مـن بعيـد قريبـي=وقعدت مع جـزل التماثيـل واختـار
ياللي نقـدت الحـب ماهـوب عيبـي=الحـب ماعـذرب طويليـن الاشبـار
لكنـك اسـمـع كلمـتـي يالبيـبـي=وعن المحب اقصر نظر عينك الحـار
لانـي حسيبلـك ولا انتـه حسيـبـي=لكـن حـب الزيـن طاغـي وجبـار
وش عاد عذري يـوم قالـت حبيبـي=في ذمتي ماعـاد عنـدي لهـا اعـذار
احبهـا والـحـب مـالـه طبيـبـي=خصوص لقالت .. حبيبي انا غار .. !!
واليـا توافـق حضهـا مـع نصيبـي=طالت عروق الـود لوكانـت اقصـار
حبـي انـا ويـاك حـب(ن) غريبـي=يزيـد مثـل القـاز لاصـب فالنـار
وانتـه اعرفـك ياحبيـبـي عتيـبـي=حر(ن) نشيت ومن رياجيل(ن) احـرار
قلت انا ابن عاصم اطلبينـي واجيبـي=وان كان مالبيت عار(ن) علـي عـار
قالتلـي تكفـى لايطـول المغيـبـي=تـرى الليالـي دور والـوقـت دوار
واليـا تفارقنـا فـراقـك صعيـبـي=منزالنـا مـن بعدكـم داخـل شهـار
قلـت اعاهـدك و بالعـهـد تاثقيـبـي=قالت نعـم ياصاحبـي طيـب الكـار
قلت احلفلـك بربـي الاهـي حسيبـي=اني ابـد منسـاك لـو الدهـر جـار
لكـن لايلحقـك شــك(ن) وريـبـي=ولاتدخـل العـذال لوصـار ماصـار
قالتلـي ابشـر مـن عيونـي حبيبـي=ماعاد انا معـذور لوجبـت الاعـذار