راكب اللـي ماملكه ابن الضعيـف = ماجلب للســوق لاجل انه يبــاع
تــو طلــع كل ابو بديـــــه نظيــــف = زين بشتك في زوايـاه الوســاع
المراتب شكلهـــا شكـلا ضريــف = وجلدها كنه من جلــود السبـاع
لونهاً يجذبك لاشجــار الخريــف = وصفها مكتب وزيــــراً فاجتمـاع
والبدي مـروه من النوع التحيـــف = وقفتـه تشفي لها قلوبـاً وجـاع
لاشرقت الشمس فالبدي الكسيــف= قـام يلمع ويتــلـــون بالـخـــداع
فزتـــــه تبعد وليـفن عن وليـــــف = لاستوا فالخط يعطيـك انــدفـاع
سرعته لو جات فالحد المخيـــــف = يشبك الخطين من دون انقطاع
من وسط ساجر إلين اقصى عفيف = ساعتيــن ونص مافيهـــا نـزاع
يعجب الراكــب ولو انـه كفيــــف = ياخذ الراحــــه ولو بالاستمــــاع
فالوصف مامثل في وصفه وصيف = كن في نوره من الليزر شعاع
ولامـــلكته ماتقيــش بالشـــــريف = ولا من هو انتصــر في قينقـــــاع
رنج روفر موقفه فوق الرصيــف = مايوقــــف غير فالشي الرفـــاع
انجليــز الصنع توريده كليـــــــف = جابه (السيـف)المسمى باقتنـاع
فرخه البي ام و(الناغي) حليــــف = نالوا بصنعه شهـــادة اختــراع
غار منه فالوصف عبد اللطيـــف = وبيع الفكسار في سوق الضباع

من وسط ساجر لين اقصى عفيف= ساعتيــن ونص مافيهـــا نزاع

ناصر الحافي


صح لسانك ياصديقي الغالي


ابدعت يامبدع


تحياتي وتقديري