يا ذيب ياللي تدفع الصوت ممسيت=وراك تقنب في طوال المراقيب
وراك تقنب بين جلوى وحليت =مارحت للبكري مع ام المشاعيب
اسهرتني من مرقدي لين صليت=وقامت تلافت فيك حرش العراقيب
ان كان زابني من الجوع حييت= حنا معازيبك خيار المعازيب
اذبحلك الحايل واذري لك البيت=وابيك توعدني من البوق يا ذيب

ان كان يا جاري من الذيب ذليت =عليك أمان الله من البوق والعيب
وعواي يفجع ميرانا ما تحميت=ابيه يدخل قلب خطو الدعابيب
ولو صوتوا لكلابهم ما تدريت=وياكثر ما خشيت بين الاطانيب
والظين هرياء واكله ما تهنيت=من عقب شبعي في الشحم والاشابيب
وهذا زمان شتت الناس تشتيت=وانته وانا جيران للعز والطيب

الله يعافيك ياطه حسين , ورحم الله اموات المسلمين , واسعدني مرورك الكريم


تحياتي

الله يسلمك من كل مكروه يابومحمد , ورحم الله الشاعر ناصر , ورحم الله واموات المسلمين , ولاتحرمنا تواصلك


تحياتي