|
قصة موضي البرازيه..
اخواني زوار و اعضاء منتدى الهيلا
السلام عليكم ورحمة الله وبركاته لي الشرف اكون من ضمن اعضاء منتدى الهيلا ,ويشرفني اكثر ان تكون مشاركاتي تنال على اعجابكم وان تستحق المتابعه ولكم مني كل التقدير والاحترام ::: اولا"/ موضي البرازيه : قله منا من لايعرفها ,وهي من البرازات فخذ من مطير.امرأه معروفه بالحكمه والشعر.وهي متزوجه من أوسط رجال جماعتها. ولها اخت متزوجه من اوجه جماعتهم وزوجها فارس وكريم........؟ المهم زوج اخت موضي كما ذكرت من اوجه جماعتهم بفروسيته وكرمه ,وزوج موضي رجال على قد حاله . وفي احد الايام قامت اخت موضي الاصغر بمدح زوجها كفارس وكريم أمام موضي ببعض أبيات الشعر كالاتي : شوقي غلب شوقك على هبة الريح ****** ومحصل(ن) فخر الكرم والشجاعه اركاب شوقي كل ليله مشاويح ****** واذا لفــى صكــو علاه الجمـاعه فردت عليها موضي : ماني بجاهلة" رجال الشجاعه ****** ودي بهم مير المناعير صلفين ودي بمدنس(ن)وسط الجماعه ****** يرعى غنمهم والبهم والبعارين اليا ندبته صار قلبه رعاعه ****** عجل(ن)يجيب القدرهو والمواعين لو اضربه مشتدتن في كراعه ****** لاهوب شانيني ولا الناس دارين. ** وسلامتكم وسمحو لي على القصور تحياتي/ عقاب الحويماني |
مشكور اخويعقاب على القصه الرائعه
ماني بجاهلة" رجال الشجاعه ****** ودي بهم مير المناعير صلفين جميل جدا هذا البيت |
يعيطك العافية يالغالي
ابدعت فطرحت اختيار موفق ننتظر جديدك |
المهاجر
نبض المشاعر اسعدني مروركم , وبيض الله وجيهكم[ |
للتوضيح
يعطيك العافية اخوووووي الكريم وبيض الله وجهك على النقل ولكن احب ان اوضح ان اسم الشاعره هو مويضي وليس موضي وشكرا للجميع
|
أخوي / ابن كشب 1397
أشكرك على المرور يالغالي وكذلك التعديل وبيض الله وجهك تحياتي أخوكم/ عقاب الحويماني |
لا هنت على القصه والقصيد وتقبل مروري
مع تحيات زيــاد الهضيباني |
يعطيك العافيه اخوي عقاب
اسمح لي ان اضيف على كلامك قصة وقصية لـ الشاعرة / موضي البرازيه كانت الشاعره مويضي مولعه بحب الفروسيه والشجاعه لدى الرجال وهذا يظهر جلياً في بعض قصائدها الملحميه الجميله التي وصفت بها الحروب وغيرها من الابيات التي تطرقت بها للفروسيه وهذه ابيات وهي تحكي بها قصة مخلف الدغيلبي من قبيلة عتيبه حين ماحصل له تصادم مع مجموعة رجال من قبيلة مطير (التي هي قبيلة مويضي) فغلبهم مخلف رغم انه كان شخص واحد وهم جماعه واديرتي عنها مخلـف حدانـي حدي الظوامي عن بيار بها جـم واحد...وخلا الدم بالقاع قانـي يا ابوي ..لو لاحق له ولد عـم اذا انتخى من فوق بنت الحصاني الخيل من خوفـه تفـرق وتلتـم خلا شيوخ مطير مثل السمانـي اهل السيوف اللي لعافيظهـا دم الكلام يطول عن هذه الشاعره المميزه ولكن هذا ماستطعت تقديمه لكم .. اخوكم .. إبن روق |
عقاب الحويماني
يعطيك الف عافيه على هذ1 النقل وننتظر مزيدك ولا هنت أخوي إبن روق وانا صراحه من أشد المعجبين فالشاعره مويضي البرازيه تقبلوا خالص تحياتي أخوكم/البراق |
يعطيك العافيه أخوي خالد ..
وموضي البرازيه شاعرة غنيه عن التعريف والشكر الاول لـ أخوي عقاب .. اللذي طرح لنـا هذا الطرح الجميل وتقبلو مروري .. المتواضع .. وشكراً أخوكم / .. آبن روق |
| الساعة الآن »02:18 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd