سلام رديه تجي رضـوان وتـروح لحضـن=وليا وصلت للأهل تربه تنثر جميـع ورودهـا
شاعر واللي فزعه واللي نزعة هجوم وممتكن=واعط العرب سلم العرب والجود من ماجودها

يامرحبا وأعداد دورات الدقايق فالزمن=وأعداد وبل المزنه اللي ينعش(ن) رعودها
أقلط على دله وبرادي وكبش(ن) في صحن=ذا طبعنا وطبوع ربعي والعرب بجدودها

دام البقـا والله يكافيـك البـلاوي والمـحـن=يالشاعر اللي تنطق الكلمه علـى مقصودهـا
التمر من سوق الاحساء والبن من سوق اليمن=واللـي يميـز نقصهـا لازم يميـز زودهــا

فزاع يافزاع جعل الله يكافينا الفتن=ياللي تميّز فالليالي بيضها من سودها
السوق بيع ومشترى والناس تسكن فالوطن=خل المعاني بيننا سلك الحرير يقودها

قال المثل والراس ماله عز من غير المتن=والارض لوكلن مترها مايجيب احدودهـا
مدري تحصلك عسل ولا تحصلـك سمـن=ولاتحصل بندقـن يعـم العـدو بارودهـا

أنت متهيض عقب ماجريت صوتك باللحن=والناس لاعلّمتها كبرت علي عضودها
نحفر لك الحفره وعطنا معك تابوت وكفن=اللي يورّدها يلاقي عندنا مردودها

ليش التغطرس يافتى لكن قرب لـي كمـن=واعطيك كلمه واضحه والحاضرين شهودها
ان كان فالدعوى حفر يالمندفن فيها ندفـن=حفرتك وانت اولابهـا حفارهـا مقرودهـا

حنا أنتكلم بعربي والشعر له ذوق(ن)وفن=لو كان أقيّد فالمعاني ماتفك قيودها
ياللي تحب الشقلبه خلك على ظهر وبطن=عند البقوم اللي تجهّز للحريب زنودها

الله واكبر يوم شفناها رحاها تطحن=اللي يفك اديودهـا عـود يخـم اديودهـا
ان كات طالت واقفه عودن يبس عودن لدن=حنا لها حنـا عتيبـه سيـد يامسيودهـا

سريتها ياصاحبي والناس قفّت بالضعن=والله يعين الملعبه لاحمّرت بخدودها
مندوب للعتبان ماله لاشبيه ولا ثمن=وأنا أخبر العتبان ماترسل علي قرودها

المشاركة الأصلية كتبت بواسطة الشبـــح (المشاركة 292070) فزااع يامبدع .. كلهاا ثمينه جزلة صح لسانك ولسان الجنيبي وسجل اعجابي .

المشاركة الأصلية كتبت بواسطة مرزوق العتيبي (المشاركة 292088) .. . جزاله وابداع يافزاع صح لسانك ولسان الجنيبي .. .

المشاركة الأصلية كتبت بواسطة عمرالروقي (المشاركة 292100) جزاله وابداع وإمتاع يافزاع صح لسانك ولسان الجنيبي 0 0 ولاهنتم جميع

المشاركة الأصلية كتبت بواسطة فـزاع (المشاركة 292068) السلام عليكم ورحمت الله وبركاته ,,, هذي محاوره جرت بيني وبين الشاعر ناصر الجنيبي في منتدى ظهور السواني وحبيت نقلها لكم في منتدى الهيلا وارجو ان تنال اعجابكم .. فزاع العتيبي سلام رديه تجي رضـوان وتـروح لحضـن=وليا وصلت للأهل تربه تنثر جميـع ورودهـا شاعر واللي فزعه واللي نزعة هجوم وممتكن=واعط العرب سلم العرب والجود من ماجودها ناصر الجنيبي يامرحبا وأعداد دورات الدقايق فالزمن=وأعداد وبل المزنه اللي ينعش(ن) رعودها أقلط على دله وبرادي وكبش(ن) في صحن=ذا طبعنا وطبوع ربعي والعرب بجدودها فزاع العتيبي دام البقـا والله يكافيـك البـلاوي والمـحـن=يالشاعر اللي تنطق الكلمه علـى مقصودهـا التمر من سوق الاحساء والبن من سوق اليمن=واللـي يميـز نقصهـا لازم يميـز زودهــا ناصر الجنيبي فزاع يافزاع جعل الله يكافينا الفتن=ياللي تميّز فالليالي بيضها من سودها السوق بيع ومشترى والناس تسكن فالوطن=خل المعاني بيننا سلك الحرير يقودها فزاع العتيبي قال المثل والراس ماله عز من غير المتن=والارض لوكلن مترها مايجيب احدودهـا مدري تحصلك عسل ولا تحصلـك سمـن=ولاتحصل بندقـن يعـم العـدو بارودهـا ناصر الجنيبي أنت متهيض عقب ماجريت صوتك باللحن=والناس لاعلّمتها كبرت علي عضودها نحفر لك الحفره وعطنا معك تابوت وكفن=اللي يورّدها يلاقي عندنا مردودها فزاع العتيبي ليش التغطرس يافتى لكن قرب لـي كمـن=واعطيك كلمه واضحه والحاضرين شهودها ان كان فالدعوى حفر يالمندفن فيها ندفـن=حفرتك وانت اولابهـا حفارهـا مقرودهـا ناصر الجنيبي حنا أنتكلم بعربي والشعر له ذوق(ن)وفن=لو كان أقيّد فالمعاني ماتفك قيودها ياللي تحب الشقلبه خلك على ظهر وبطن=عند البقوم اللي تجهّز للحريب زنودها فزاع العتيبي الله واكبر يوم شفناها رحاها تطحن=اللي يفك اديودهـا عـود يخـم اديودهـا ان كات طالت واقفه عودن يبس عودن لدن=حنا لها حنـا عتيبـه سيـد يامسيودهـا ناصر الجنيبي سريتها ياصاحبي والناس قفّت بالضعن=والله يعين الملعبه لاحمّرت بخدودها مندوب للعتبان ماله لاشبيه ولا ثمن=وأنا أخبر العتبان ماترسل علي قرودها ودمــــــتم ياأخوانا الاعزاء