يامرحبا عد النجوم اللواميع = اللي مع الظلماء تنور سماها
أنا وشعري كل أبونا فزازيع = وناسٍ تنادينا نلبي نداها
الشعر عندي فالوازم ينابيع = يروي الكبود الظامية عن ظماها
يامن شكى همن كثير التناويع = دنياك هذي مختلف مستواها
بعض العرب فيها كما الزبد ويميع = والبعض الأخر يابسن من سناها
وبعض العرب مضيع الدرب تضييع = والدمع من عينه بوادر عماها
وبعض العرب فيها قليل المنافيع = يطلب من العالم وهو ماعطاها
وبعض العرب فيها كثير المواجيع = النفس متعبها ورجله حفاها
وبعض العرب فيها كثير المشاريع = وصّلوا على المسكين وهو ما حصها
وبعض العرب فيها كما الصفر تربيع = عايش حياته كلها في مناها
وبعض العرب فيها كثير المطاميع = ولا فاتته حاجة تحسف عليها
وبعض العرب فيها عايش بتقنيع = قنعان لويطرد غداها عشاها
وبعض العرب فيها سيوفٍ قواطيع = عارف بدايتها من منتهاها
نبذة عن العالم بسرعة وتسريع = هرج الذي لا قال هرجه حماها
صنعتها من صافي الفكر تصنيع = وأرسلتها على فهيمن يباها