ليا رقيت الطويله صحت لأبن الاصيل = وانا اشهد انه ولد من راس ذاك الولد
ياعزوتي يابن عاضي قوم شب الفتيل = مادام للبيت ساس وجوده بعمد

يااللي تصيّح على المرقاب ليلك طويل=عليك ابا اقرا بسورة قل هو الله احد
انا ليا قمت اسوّ المعجز المستحيل=ياصاحبي دوبها هبت هبوب السعد

ماسوق رجلي على درب السبو والذلليل = ليا حفضت احكم التجويد وقراء الصمد
اشوف في كل عام يطورون المديل = باشكال والوان والشايب بوسط اللحد

سلطان حاول لبعض الهرج تلقى بديل=ترا البحر لاصطفق فالجال جاله زبد
كل الحموله يقومبها جملنا شعيل=والله يعز الرجال اللي تعز البلد

لا تزع الغرسه القشراء بدواديٍ يسيل = لوعرقها غاص يرميها بحزمٍ جلد
شعيل شيب واظنه مابقى فيه حيل = ماباقي الا نعده مكملٍ للعدد

حسبي على اللي زرع هذي ونعم الوكيل=يعنك ما هو محصل مقصده للابد
لاتشمتون الكريم وتمدحون البخيل=البني يا ربعنا ماهو بمثل الهدد

امسيت راعي البلد واصبحت عابر سبيل = عينٍ سليمه والاخرى انعمت بالرمد
مادام ظهرك يشل الحمل مني ثقيل = ابرك وعيب الرغى لوكان دمك جمد