اهل الفخر عند الملاقى مغاوير**من اول العتبان لاتلى ضناهم...
 

اخواني أعضاء منتدى الهيلا
السلام عليكم
كتبت لكم هذه القصيدة بعد الحكم الجائر على مشاركة
يوسف العصيمي بعد ان حصل على 22% وم قبل لجنة الظلم
والجوور..

اترككم مع القصيده واتمنى ان تحوز على اعجابكم....

البارحة ما نمـــت ليــــلي تفاكــــير ***** يوم ان بعض الناس حقق منـاهم

في شاعر المليون حسب التصاويـر ***** عــبر القنـــاة اللي تبنت لقــــاهم

من لجــنة التحكيم مدهونة الســـير ***** اللــي ولد زايد بمــــــاله شــراهم

باعوا ذممهم وسط سوق المخاسير ***** كبــوا على المسرح بواقي حـياهم

نشوى تسيرهم على الكيف تسـيير ***** روضــه بعد تنهى وتامر عـــلاهم

في حكمهم يا ناس ما به معايــــير ***** فالحـــكم يدخل يا خلايق هـــواهم

مابه عداله .. تعطي الحق تجـــيير ***** يــم الذي له بان صـــــادق ولاهـم

ملامـح الدكتـــور ترســـم تعابـــير ***** تحــكي على وجهه ملامح عــداهم

زود على غسـان مستشــعر مطــير ***** مــع فالك التوفيق وايضا عمــاهم

ما فيـهم اللي يرفع الراس تنـــوير ***** كـــود الذي ليته برجــله وطـــاهم

لا خير في من يجحد الحق لا خــير ***** لا خــير في الحكـام واللي وراهم

والا ولــــد رزاق وافـــي اشابـــير ***** وافــي لا تضره ســـواة حقـــداهم

مجنــون يوسف جاب كل التفاسـير ***** في شــاطي الراحه وبيح خفـــاهم

عطــاهم الصالي بكشف الاساريـــر ***** ما انصاع للجنه وغصب يعصـاهم

نسل الرجال اللي لهم يخضع الغـير ***** غصــب بلا منــه بساعة لقــــاهم

ليا احتــمى الميقاف صفوا طوابــير ***** ما خاب من هو فالمواقف نخـاهم

أهــل الفخر عنــد الملاقى مغاويـــر ***** من اول العتـــبان لاتلى ضنـــاهم

تكفــون يا العتبان اهل المعاســــير ***** بــرقا وروق اللـي يــذري ذراهم

هبوا ترى هالحرب حرب الفواتــير ***** ما هـي ملاقى وجـيه حتى نتـفاهم

نـبا على فوزه نســــوق التباشــير ***** واهـل الردى يرجع عليهم رداهـم




اخوكم
عبدالله العطاوي

صح لسانك يابن العطاوي وبيض الله وجهك على هالقصيده الجزله



وحنا مع يوسف اللي اثبت في الحلقة الماضيه انه بحر من الشاعريه والأبداع والله يجملنا جميع ان شاء الله

الطايف
 

بيض الله وجهك يابن العطاوي
وتكفون ياعتيبه صوتو ليوسف والله اني انتقهرت من اللجنه ولاكن الوعد قدام وحنا عتيبه لطامه العايل وحضنا انشا الله طيب في كل شي



مع تحيان بن ريمان العصيمي

كااسر البرقااوي

صح بدنك يااولد العم ووجهك ابيض

لا هنت ويوسف يستاهل الفزعه واكثر

ووردها علانا

اذا ان السالفه صارت عزااوي ***** اوردها على العد الرهــــاوي

اوردهـا على العتباان ربـــعي ***** هل الفزعات مخلفة الهقـاوي


وشاكر لك مرورك

ابن ريمان

صح بدنك ياذيبان

وتسلم على مرورك واطراائك

شاكر لك

مجنــون يوسف جاب كل التفاسـير ***** في شــاطي الراحه وبيح خفـــاهم

عطــاهم الصالي بكشف الاساريـــر ***** ما انصاع للجنه وغصب يعصـاهم



صح لسانك يالعطاوي وبيض الله وجهك

صح لسانك يالعطاوي قصيده جزله وما عليها خلاف وفالك التوفيق والمليون بعد ومافيك حيله يالمحيط الاطلسي خخخخخخ


عافاك الله الله اخوي العطاوي قصيده اكثر من رائعه وصح لسانك

والسلام خير ختام

تكفــون يا العتبان اهل المعاســــير ***** بــرقا وروق اللـي يــذري ذراهم
صح لسانك

صح لسانك ياولد العطاوي وبيض الله وجهك

وفالك المليون ههههههههههه بس مهب مليون حمد التعيس

مليون الهيلا ضباحة الحايل لطامة العايل

صح لسانك ياولد العطاوي وبيض الله وجهك

وفالك المليون ههههههههههه بس مهب مليون حمد التعيس

مليون الهيلا ذباحة الحايل لطامة العايل