الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى شاعر المليون (http://www.otaibah.net/m/forumdisplay.php?f=82)
-   -   ملوك الادب (http://www.otaibah.net/m/showthread.php?t=35782)

عبدالله القثامي 15-Mar-2007 05:57 AM

ما جانا بحبّ خشوم والا من الميسور !!
 
بسم الله

اخواني وتاج راسي قبيلة عتيبه
اخي الغالي يوسف العصيمي
الف مبروك والى الامام


تزين المثايل يوم اغني وأنا مسرور= تجملني أبيات القصايد وأجملها
عتيبي وربعي عزوتي قدوة الطابور= على العز يا ساس الشهامة ومنزلها
وبعد شفت ما يفرح صدور ويغيظ صدور= الأصحاب يفرحها والأقزام يزعلها
تحزم عتيبي من رجال تحكم الشور= جرد سيف عرفه للقبايل ونازلها
وغنى العطياني وغنيت اله مجرور= تنقى وجانا بأطيب الغيد وأجملها
حقيقة عداك اللوم يا وصل ابن مشهور= وعد اللوم من ينخى عتيبة ومثلها
يعيد الزمن نفسه وسود ألليال إ دور= وتبقى النجوم ولا تغير منازلها
عتيبة هل الطالة عتيبة هل الدستور= من أول قبايلها إلى أقصى قبايلها
عتيبة هل النخوة هل البيرق المنشور= ولو تجهل الجهال محد ٍبجاهلها
ليا قالو الهيلا وجا للمشوك دور= على اخصامها انهالت قبيله بكاملها
ولن سيقت العطفه وقام الرصاص يثور= ونختهم وطار إخمارها عن جدايلها
تبيع الرجال أعمارها والعمار كسور= ولعيونها تكسر قبايل وتذهلها
كسبنا ونعم بطيب خاطر ماهو مجبور= لاقال الرسول انعم بها من يبدلها
ولن جا مجال الشعر والشعر فيض شعور= عتيبة من اللي ما تشوقه مثايلها
ترانا ملوكه من سنين مضت وعصور= يقولونها العراف ماني بقايلها
ملكنا بحور الشعر زدنا البحور بحور= بحوٍ يطيح أطلق شنب قبل يا صلها
ولا همنا المغرور لو ساند المغرور= الأول تحصلها وألا خر تحصلها
وترا ما يلام الاجودي جاهل مقهور= يبيها تجي زانه لعمه وطبلها
ولاكن يوسف قالها ثور ينطح ثور= وتكرم إسبال أهل ألوفا عن فعايلها
ولا همنا أهل الزور لو يشهدون الزور= الأفواه نلجمها والأعيان نكحلها
وهذي ضربة الهيبة ما هي ضربة المشهور= كسرنا هل ألغاره قبل لا نقابلها
اجل كيف لو صارت مجابه ودق إنحور= الأرضين تحت أقدام الاعدا نزلزلها
وتاريخنا تاج الفخر بالذهب مسطور= مواقيف مجدٍ واضحات دلايلها
ما جانا بحب اخشوم وألا من الميسور= ومن يجهل أخبار القبايل يقابلها

فارس @عتيبه 15-Mar-2007 06:37 AM

بيض الله وجهك وصح لسانك

عبدالله القثامي 15-Mar-2007 03:11 PM

صح بدنك
والله يسلمك

أبو مرحبا 15-Mar-2007 03:17 PM

ولن جا مجال الشعر والشعر فيض شعـور***عتيبة مـن اللـي مـا تشوقـه مثايلهـا
ترانا ملوكه من سنيـن مضـت وعصـور***يقولونهـا الـعـراف مـانـي بقايلـهـا
ملكنا بحور الشعر زدنـا البحـور بحـور***بحوٍ يطيح أطلق شنـب قبـل يـا صلهـا


يسلاااااااااااااااااااااااام عليك

قصيدة وافيه وجزله

بيض الله وجهك يالقثامي

فهيد الايدا المورقي 15-Mar-2007 03:19 PM

صح لسانك ياعبد الله القثامي وبيض الله وجهك يالقرم


قصيده جزله من جزالة شاعرها

وعتيبه تستاهل اكثر


تحياتي

خبروها بالغلا 15-Mar-2007 03:29 PM

عبدالله القثامي صح لسانك

ياجزل ولاهنت

أبو نجر النفيعي 15-Mar-2007 03:39 PM

,,

,

صح لسانك ياعبدالله ,,

جزل وما تجيب الا الجزال ,,

ولو انك بالمليون خذيت المليون من اول حلقه :)

,,
لاهنت يالغالي,,

,

,,

وصل العطياني؟؟؟ 15-Mar-2007 04:50 PM

أستاذي الكبيرالشاعر العلم : عبد الله القثامي

لله درّك على هذه القصيدة الرائعة ولا يستغرب الإبداع على أهله ...

وشهادتي فيك مجروحة ولكن للأمانة أنها إبداع ...

وأطربني سماعها منك والآن قراءتي لها كذلك ....

والقصيدة كلها حلى و إسمي محلوي القصيدة :D

صح لسانك يا ابو سلمان وسلمت يالذيب ..




تحياااااااااااااااااااتي

نواف العصيمي 15-Mar-2007 05:21 PM

صح لسانك .. وجزل يالقرم

ولك التقدير والإحترام

نمر العتيبي 15-Mar-2007 05:51 PM

صح لسانك عبدلله القثامي على هالقصيده الرئعه


الساعة الآن »10:35 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd