يا سلام الله على الحر النداوي = خاطف اللقمة من أفواه الذيابه
يوم رجعت للحمية والعزاوي = ردها يوسف على ربعه عتابه
وجولها العتبان مخلفة الهقاوي = كنهم غيثٍ تنثر من سحابه
ياردون الموت وحياض البلاوي = مثل من يارد على حالي شرابه
وابطلوا بافعالهم كل الدعاوي = فهموا المكتوب وأعطوهم جوابه
والحقوق اللي تقسم بالتساوي = ما يجي فيها حرام ولا نهابه
ترضي الرجال لو فيها مساوي = دام أخذ حقه فلا يزعل جنابه
مير لا صارت سواليف وقهاوي = ذا يعشونه وذا ينصك بابه
مارضينا بالغبينة والشكاوي = نخطف اللقمة من أفواه الذيابة