قصيدة الشاعر بن دابس الدلبحي في لجنة المليوووووون
 

ان كان جت للشعـر يابـن نهيـان
حنـا هلـه ومجـوديـنٍ زمـامـه
من عصر ابن هندي ليا عصرنا الان
ولنـا بصاماتـن عليـه وعـلامـه
يكفيك تركي حمل زينـات الارسـان
ابـن حميـد اللـي يفـك الجهامـه
فارس وشاعر وابدع بكـل ميـدان
وسمـر بشعـره مافعلنـه اسهامـه
وايضا شليويح العطاوي بعـد كـان
شاعر وفارس راس عرف وقرامـه
وابن سرور الـي بيوتـه بديـوان
حيـه وهوميـت وفنيـت عظامـه
وفي عصرنا التالي رجال ٍلهم شـان
وابـلا عقـل مايلبسـون العمامـه
مثل الزلامي والجذع طيـر حـوران
وعبدالله ابن عـون وابنـا عمامـه
وشاعر وطنا اللي له اعبارة اللسان
يـذود عنـه وحاضـيٍ باهتمـامـه
خلف ولد هذال محبـوب الاوطـان
والهامـه اللـي ماتقـارن بهـامـه
واللي مواقيفه حشى مالهـا اثمـان
دون الوطن والدين واهل الزعامـه
وحبيب اللي نجمه مع السمـا بـان
واحرق له نجـومٍ لهـن ازدحامـه
وابن الحبيل اللي جليـسٍ للاخـوان
شاعر تقي وايضـا رفيـعٍ مقامـه
نصيـر ديـنٍ ملغـيٍ كـل الاديـان
واسهم بتوضيح الحـلال وحرامـه
يبغاه زاد ليـوم روغـات الاذهـان
يومٍ يسمـى باسـم يـوم القيامـه
وارجع واخاطب حضرتك ياكحيـلان
ياناصـر الشاعرلجـاك وحـزامـه
واقول اصبت بحال وبحـال غلطـان
ولاكـل مجتهـدٍ ويبلـغ مـرامـه
اصبت يوم اقمت سوقٍ على شـان
تعرف من التاجـر لياجـاب خامـه
والخام فيه اشكال وانـواع والـوان
واللـي ميصلـح مالـه الا القمامـه
غلطت يومك جبت تركـي وغسـان
وابـن سعيـد مـوزع الابتسامـه
وهاك الضعيف اللي يقال اله سلطان
واللي انا اسميـه قصـب الهلامـه
واللي مامعهم لاعذب الشعر ميـزان
نـاسٍ تعلـم فاليتامـى الحجـامـه
واللي اسأوا جدا لشخـص الانسـان
واللـي حمـل مالاحملتـه تهـامـه
ضاعت امانتهم ورى فـلان وفـلان
لاجـل المصالـح ياحيـاة الندامـه
واكبر دليلٍ فـوق قولـي وبرهـان
تحكيمهـم تلاعبـوا فـي نظـامـه
شينٍ يشاف وتسمعـه زيـن الاذان
وشيٍ مهو مثل البـدر فـي تمامـه
محجوب جد عماد لـو كلـه اتقـان
خشية رجال العرف واهـل الفهامـه
ومن شان لاجا حصانٍ كبار الاتـان
لو هي وراه بعيـد تصبـح امامـه
وتبا تعافط ماتبـا اصهيلـة حصـان
ويالله وانا طالبـك عـاد السلامـه
واشهد ياتاريخ الشعر عبر الازمـان
واحفظ ثلاث اسما عدتهـا الملامـه
يوسف ولـد رزاق وابـن عبيـان
وابن القثامي عقـب شفـر حلامـه
والشعر ماهو صف حكيٍ ولا الحـان
الشعر سبك وحبك وصف انتظامـه
وصف انتظام السبحه بكـف فنـان
وتمشي على سلكٍ سريـع ابترامـه
والشاعر اما جـاك بـرعٍ وبطـران
احسـن يجالـس لابسـات اللثامـه
لايتعـب احزامـه لياصـار جابـان
ويقعد على الساحه يمثمـث كلامـه
لو ان مابه خاطـر اليـوم طربـان
لشعـر امـةٍ ماباقـي الا حطـامـه
اجهـز عليـه منافقيـه وجـربـان
ماعندهـم غيـره عليـه وكرامـه
ولاهمهم وضعه وباعـوه مـن دان
وشروبـه الـدار الممـر وحطامـه

عز الله ما قصرت وصح لسانك ...

وياليت تنسق كتابة ابياتك على نسق القصيدة حتى تكون اكثر ترتيباً ..

ماقصرت .

مشكووووووور على المرور وصح بدنك
مامداني انزل القصيده الا وانت قاريها
الله يعطيك العافيه
وهالحين زينا الناقص

بيض الله وجهههههههههههك ووجه الشاعر

ووجهك طال عمرك
ومشكور على المرور

قاموس الشعر واصدق المشاعر من ابن الدلبحي وصح لسانك والله يوفقك ارجوا من الادارة تثبيت هذة المعلقة الشاملة

لله دره وبيض الله وجهك ووجهه من اجمل ماقرائت من قصايد
كل الشكر لك

الشـاعر / ابـن دابـس الدلبحـي

الأخ // سعــودي نـت

سلمـت يمنـاك على النّقل ولي عـوده مع القصيـده

أحترامي وتقديري لـك ولصاحب القصيده

أخـوك // عـايــض