الصداقة والمنقاش
 

يا الله يلي تخلق الكون من ماش = ياواحدن تحيي رميم العظامي

يالرازق الي بامرك العبد يعتاش = تفرج لعيني في نهار الزحامي

اليوم اباخذلي على الخيل مغباش = ومسرا مع الفج الخلا فالضلامي

واليا بغيت اصرف صرفت الذهب كاش = ماني منلي يشحدون الكلامي

ابدع علومن ضربها ضرب رشاش = سوات سل المرهفات الحسامي

نويت ادور للرفاقه بمنقاش = بعض الرفاقه سلعتن ماتسامي

مايكشف الاصحاب يكود مطراش = والا نهارن فيه شد الحزامي

اعرف خوي الجنب والصاحب اللاش = وتبديلي الايام ماكان غامي

احرص على اللي قلبه ابيض من الشاش = مانابني منه العتب والملامي

فعله ينومسني وله وجه بشاش = ويبديلي التقدير والاحترامي

وان جاء نهار الهوش من هوشتي هاش = من دون روحي يعترض للسهامي

هذاك دونه مصخي الروح ببلاش = انا اشهد انه من رجالن حشامي

وابعد عن اللي قلبه اسود وغشاش = سوات عودن مايجيله نوامي

وقت الرخى عندي وفالكرب ينحاش = ماغير راعي ضحكتن وابتسامي

وليا زرعت الطيبه فيه لاعاش = يموت زرعن ينزرع فالمضامي

هذاك ضبين ماورا راسه عراش = ابا اتركه واقرا عليه السلامي

،،

،

صح لسانك يا بادي الرجم,,

,