قالواتحبه قلت ماهوب بالحيل=بس انه اغلى شوي من نور عيني

يوم الاحد لاعاده الله ولا اسقاه=ولاعاد يوم (ن) فيه فارقت غالي
فارقت من قلبي يحبه ويهواه=حبيب ماغيره حبيب(ن)صفالي
الصاحب اللي تل قلبي وعناه=مبلي بحبه من قديم (ن)وتالي
ابوخشيم(ن)سلة السيف حلياه=ادعج غنج والعنق عنق الغزالي
والعين عين اللي على الوكر شفناه=سود(ن)هدبها فوق خده اضلالي
الله ياليت الهوى ماعرفناه=كان استرحت ولاجرا اللي جرالي
اوليت عقب العرس ماذقت فرقاه= ليته معي واشوف زوله اقبالي

يبو العيون الوساع الساحرات السود=دخيلك ارحم ترا اللي جاني اكفاني
اضن يازين مالك من عذابي زود=حرام عذبتني وافرحت عدواني

لي حبيب(ن)غاب عني لي اشهور وسنين=ارمست الاخبار دونه وقلبي مانساه
صاحب(ن)حبه قتلني وخلاني حزين=صاب قلبي وانبرا الحال من سبة هواه

ياطروش(ن)تجونه بلغوه السلام=القدرفرقتنا بين يوم(ن)وليل
صاحبي لك بقلبي مقدره واحترام=لوتزول الجبال الراسيه ماتزيل