ياسلام الله سلام ماتوقف له قبيله=ماتوقف لوتعزوى يالعتيبي في شبابه
كل شاعر يحسب حسابه ويعرف منه قبيله=ان بغيتوها سلامه وان بغيتوها حرابه

مرحبا في مرحبا باللي يمدون الجزيله=والدعاوي هينه ماغار خطٍ بالكتابه
المعاني قودها ياصاحبي مافيك حيله=خلها بيني وبينك واترك مطير وعتابه

البقا مثل العميل اللي يرحب في عميله=من رياجيل الوفا واهل الكرم واهل المهابه
انت ساري وانتبه لذيب في راس الطويله=لاتهقوى يالعتيبي ثم تاكلك الذيابه

هات علم وهاك علمٍ يابيض الشارب بديله=قدم احيلك للمحاكم والمحقق والنيابه
محتسين الذيب لو الذيب له ذيبٍ مثيله= في زمان العولمه رجعتنا في وسط غابه

قوم الدنيا وقعدها على جمر ومليله=والقضيه يالعتيبي لابه ٍ في سد لابه
واحليله ذا العتيبي لاتفلسف واحليله=قام ينقل علته مايندرى وش هو صوابه