ياعسى ربي يبيض وجه سـود الليـال=فرقت مابين بيض الوجيـه وسودهـا
بينت مـن يرتكـي فالشدايـد للثقـال=مايحسب حساب لبروقهـا ورعودهـا
ذابت امجاد السوالف وهي كبر الجباال=فص ملح وذاب مافيه اثـر لوجودهـا
عزي لمن غرته واتخذ منهـا ظـلال=ولا صحى الا يوم طاحت عليه حيودها
والنعم ياكثر ماقيلت بطـارف مجـال=ويوم بان العلـم كلمـة نعـم ياكودهـا
المراجل ضلع راسه ورا نجم الشمـال=والاوادم مرجلتهـا بحسـب جهودهـا
واحد(ن)ناره من العز في روس الطوال=وواحد(ن)ناره من الذل طاف(ن) عودها

المشاركة الأصلية كتبت بواسطة مرزوق العتيبي (المشاركة 321739) ... . ابدعت في هالابيات ياعبد الله ... صح لسانك ... وبيض الله وجهك على الجزاله ...

المشاركة الأصلية كتبت بواسطة أبو نجر النفيعي (المشاركة 321740) المراجل ضلع راسه ورا نجم الشمـال والاوادم مرجلتهـا بحسـب جهودهـا .. الله الله يا عبدالله .. صح لسانك يابن العم .. قصيده جزله .. ولاهنت .. وننتظر جديدك .. :) .. .

المشاركة الأصلية كتبت بواسطة متعب العصيمي (المشاركة 321753) / / المراجل ضلع راسه ورا نجم الشمـال والاوادم مرجلتهـا بحسـب جهودهـا واحد(ن)ناره من العز في روس الطوال وواحد(ن)ناره من الذل طاف(ن) عودها .. صـــح لسانك ياعبدالله , ولاتحرمنا من جديدك. .. داام العطا. .. موودتي. /

المشاركة الأصلية كتبت بواسطة الشبـــح (المشاركة 321878) .............. صح لسانك ياعبدالله .. ابيات جميلة