الـبارح أمــسـى ضـمـيـري فـيـه ولوالـي=والعـين مـا ذاق غـمـض النوم حــاجـــبها
ذكـرت دار الـوفـاء والـمـذهـب الـغـــالـي =دار عـسـى الـسـيـل يـسـقـيها ويـصحــبها
يــا راكـب الـلــي لـيــا روح مــع الـلالـي=أسـبــق مــــن الـريــح يـوم الله يـهــبــبـها
هــاف جـــديــد اخــــيـار الــوارد الـتـالي=مـن شــركـة فـورد تــو جت به مراكــبها
يـــقــوم مـن حـــايــــلٍ و الـفـي مـا زالي=وعــصـيـر طب الـمـديـنـة واسـتـراح بها
سـيـر مـع الـسـوق وارفـع صوتك العـالي=وسـلـم عـلـى حـرب حـاضرها وغـايــبها
تــلـقـى رجال الوفاء والــمذهـب العـــالي=وتـلــقـى الـــغـلا عـنــد جاهلها وشايـــبها
خمسة عـشـر عـام وأنـا جـوفـهـم ســــالي=الــربـــعــة الـلــي اتــدلــه من يــقـــاربها
علـيـهـم الـِبـيـض تـكـسـي حـتى الأقـذالي=الــعــــزوة الـلـــي عــــزيــزات مـذاهـبها
مـن جــيــت مـنـهـــم يـرحــبـي وحـيــالي=وإن جــيت فـي قـالـتن راسـي يـطـول بها
والـعـلــم الآخــر إلـيـا حـِرّج على الـتـالي=دون الـــركـــايـــب إلـيــا زلــت عجـايبها
كـم دار قــوم ولـوه بـحــــرب الأبـطــالي=يصـــبــح بــه الـبـوم والـثعـلب يــجـاوبها
كـم شــيخ قــوم طــووبه نــايـف الجـــالي=علـى الـنـقــا والـعـرب من دون واجــبـها

جـانـي جـواب الـمـعـلم و إ نـشـرح بــالي=مـن يــوم شـفـت الـبـيـوت الـلي مــرتــبها
يــا مـرحـبـا يـا هــلا بـالـخـط وإن جــالي =ومــــســوي الـقـيـل بـأبـيـاتـه وكــاتــبــها
إن شـفت مقـبـل عـطـيـتـه وجـه وإقبــالي=و الــنــاس مــــمـا تــوجــبــنــا نــوجــبها
والأجــنـبـي لـيـا سـكـن فـي الـدار نـزالي=ديــــا رنــا لــه و سـيـعــــات جـــوانــبها
لـيـا صار عـاقـل وعـارف كـل مـجــدالي=يـشـرب مـن عـدودهـا وصافي مشــاربها
نـــفـــــداه بالـحـــال والأرواح والـمــالي =ولازم نـعــزه كــمــا الـلــحــيـه وشـاربها
وأنـتــه عتـيـبـي عـريـب الـجــد والـخالي =تــعـرف سلـوم العـرب وأيـضا مـجــربها
مـن ربـعــة فـي الـمـلاقـا تحـتـمي التــالي=يـــوم ان بــعــض الـعــرب خلت ركايبها
فــهــود وأســود فـي غــــابـات الأشـبـالي=لـيـا هـاشــت سـبـاعـكـم مـاحـدن بقـاربها
وان جــاء نهـار يـسـمـى هــوش وقتالي=حــريـبـكـــم غــارتـه يـشــكــي عـواقــبها
مـثـل البحر لاصفق موجه علـى الجـــالي=الــعــالــيــة مــن مـــزابــيــنـــه يـخــربها
وقــم يـا نـديـبـي تـولـم واخـذ الأمـثــــالي =مــن فـوق بـنــت الأصــيــل اللي معـربها
عشـريــن فــي عــدهــا مـن دق وجـلالي=أصــايـــل جـــدودهـا تـعــرف مـجــاذبها
تــشــدي قطاة حــداهــا لاهــب الـــــلالي=تــجـفـل لـيـا أومـت عـصـاها عـند راكبها
تــلـفـــي سـعــــد فــي مـحـلـه بـن ودلالي =يـــفــرح لـيـا شـافــهــا تـومـي جــنـايــبها
حــلــحــيــل حـلالـها مـن كـل الإشـكــالي =يــحــل الإشــكــال لــو خــصـمه يصعبها
عـطـه جــواب ســواة الـسـكــر الـحـــالي=أمــثــال وأبــيـــات راعــيــــها مــرتـــبها
مــــعـهــا ســلام جــديد وحسن الاقـــبالي=مــن حـرب ســكــان طـيـبـة عـز جانــبها