بعد غبنا نسلم والسلام بدايت المحراف=سلم الله سلامٍ ينقض الحجه ويفتلها
يقولون اسنين بخير واقول السنين اعجاف=ومن يغفل شويٌه عن مطاليبه تحصلها

تراحيب المعرفه والوفا ياللي بدعت القاف = عدد مالاحت ابروق المخايل في مخايلها
سنين الله يدبرها وكلش بالعيون يشاف = ومن لايقطع الفرجه خصومه مايقابلها

يدوم الك البقاء يالعارفه قدامك العراف=وبه ناسٍ نراضيها وبه ناسٍ نزعلها
خويك ياخويي كل وقته ماعليه اخلاف=يعدلها على المطلوب والدنيا تميلها

على بعض الكلام اللي مبطن يكشف الكشاف = واشوفك يالحميدي تلوي الهرجه وتعدلها
ترى حنا الرجال اللي نقول ونحمي الميقاف = وهذا سلمنا في تالي الرحله وبا ولها

عيونٍ ماتمٌد انظارها ماتضرب الاهداف=ول انكانك جهلت السالفه غيرك يحللها
انا ماقول فيك اقصور شلت اثقال فوق اخفاف=وهاذي حاجةٍ صعبه واظنك ماتحملها

ولا يهل السيوف اللي مضاربها على الاكتاف = ليا قلنا الحقيقه ماعلانا من (مبدلها)
وانا اظنك لاشلت الحمل تبرك والعزوم اضعاف = عسى ربي يعينك وانتبه حتى تنزلها