الهيـــــــــــــلا *** منتدى قبيلة عتيبة - قصيدة للشاعر / سالم الرويس == السحاب ==

الى مرفي ومرتادي ،،،،،،إشراقة القصيد والقوافي ،،،،،،
مطر ،،،،مطر ،،،،،مطر ،،،،
مشاعر السحاب حين يهمي على وجه الأرض دون أن يقدر دمعه ,,,أو يسأل لم هذا الدمع ؟!!!أولمن هذا الدمع ؟!!!

ليه السحاب اليا بكى يسعد النـاس؟!!
دمعه على خده وهـم يضحكونـي
يامغرب الموقف على كل حسـاس!!
وليا ضحك من ضحكته يزعلوني
يبغوه دايم يذرف الدمـع محتـاس
حزنه مطر وهموم قلبـه مزونـي
يبكي السحاب ولاحدٍ قال لا بـاس
انا الوحيد اللي يحـرك شجونـي
بيني وبينه يجمع الحزن واليـاس
يبكي وانا ابكي يوم خابت ظنوني
دمع السحايب وقت تنهيت الانفاس
صرخة وفي في زمـانٍ يخونـي
خلا السما شقق جديدات الالبـاس
ويصيح بعلا الصوت صابه جنوني
وكل البشر سمعوا وشافوا وخـراس
مافيهـم اللـي قـال لاماتهونـي
ولو قابل انسان معه ذرة احسـاس
كان نشده يادمـع ويـن العيونـي؟!!!!
في لحظة الاحزان ماعندك او ناس
مافيـه مخلـوق تعرفـه يمونـي
ذي حالتي مابين فكرٍ وهوجـاس
في لحظةٍ كل المعـارف نسونـي