|
اول قصيدة للي يالربع وارجو من الشعار التعليق عليها
ضربت لي خايع(ن) خالي من الناس*** وتركت ناس (ن) يطيلون الحساسي
مع سهلتن نبتها حوى وبسباس *** تلبست عقب الوسم زين اللباسي واخذت من دلتي كيفن بمقياس *** مقياس فنجالها طير عماسي وجني بنات الفكر عجلات وعساس *** زعسيتها وارتوى منها عساسي وترجمتها من هواجيسي بقرطاس *** ابيات شعر تمثل بالقياسي صادفت في هالبشر اشكال واجناس *** ولا طبعهم واحد ولاهم سواسي احدا على خوتك حر وقرناس ***في حزة اليسر وساعات العكاسي نهجة على رفقتك طيبا ونوماس *** راسي معك مثل الجبال الرواسي احرص على رفقته يا طيب الساس *** وادمح لزلاته وخللك سياسي واحدا لا تغتربه بزين الالباس *** قلبه مسود وفيه الحقد كاسي خسيسا برفقته انذال وخساس *** متنحين عن المراجل وناسي غادر وماكر وللاصحاب بلاس *** ولقفيت في ظهرك يحد الامواسي احرص ترى رفقته منتوجها افلاس *** لو طولت رفقته فيها انتكاسي وبابا يجب الردى صكه بترباس *** والبس لتيجان المعزه لباسي وسلامتكم اخوكم / الهراني المقاطي |
ضربت لي خايع(ن) مخلي من الناس=مبغا كثير العلام وصوت الانجاسي ====
هذا من وجهة نظري فقط وانا لست ناقد ولكن انت طلبت الراي واعطيتك رائي0 علماً ان القصيدة تفتقر للوزن بصفه عامه0تحياتــــي،،، |
بيض الله وجهك ياولد العم وصح السانك
|
صح لسااااانك اخوي..
واترك التعليق لمن هم اقدر مني واكثر خبره |
صح لسانك
ولاهنت والله مانب شاعر اعلمك يالذيب |
مشكورين ولا هنتووووووووووو يا عيال عمي
انتظر الدخول من شاعرلتقييم القصيده |
الهراني المقاطي
معنى ابياتك في غاية الروعه وقد اوصلت الفكره بشكل جميل وصح لسانك 000 000 نهجة على رفقتك طيبا(طيبن) ونوماس *** راسي (ن) معك مثل الجبال الرواسي بيت جميل وموزون مع بيت او بيتين آخرين مع ان جل الابيات تفتقد لوزن محدد وهي ليست على لحن موحد وستلاحظ هذه النقاط عندما ( تغني _تشيل) الابيات صوتيا والوزن هو الاهم في بناء القصيده وكذلك من ركائز القصيده القافيه والتي اجدت إختيارها وتكرارها بشكل جيد --- |
| الساعة الآن »06:19 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd