ياهلا,,يامرحبا,,لبيه ومدري ويش اقول=جمّعت لك كل الكلام اللي قدرت اجمّعه
آسف غلاتي ماقدرت ازيد من زود الذهول=بين العيون السود وخدودك دخلت بمعمه
ياشارع الحب الرئيسي ليت مشواري يطول=امشي معاه بصمت واخلّي عيوني تشبعه
افدا عيـونه والقمـر ودي ليا شفتـه يـزول=وجهه يبث النور في جوف الجهات الاربعه
لبّى عيونه لا مشى يمشي معه الفين زول=كأنه زعيم ليا مشى كل البشر تمشي معه
مرات اذوّب مسمعه وانوّله مالا ينول=واحيان اغيب ولايبي الا كلامي مسمعه
لبّى ابتسامة شفتك يالصاحب الغرو الخجول=واحلى كلام(ن) همسك اللي في غرامي اسمعه
ياهلا,, ويامرحبا,,لبيت لك عرض وطول=وجمّعت لك كل الكلام اللي بوصفك اجمعه

المشاركة الأصلية كتبت بواسطة أبو نجر النفيعي (المشاركة 345684) ... الله الله .. صح لسانك يا مخلف الهقاوي .. ابداع .. يا مبدع :) . ياهلا,, ويامرحبا,,لبيت لك عرض وطول اخوي مخلف الهقاوي .. بس ياليت تلقي نظره على هالشطر من ناحيه الوزن .. .. وصح لسانك مره ثانيه .. . اخوك

المشاركة الأصلية كتبت بواسطة ابوبجاد الرويس (المشاركة 345816) صح لسانكـ وبيض الله وجهكـ

المشاركة الأصلية كتبت بواسطة مرزوق العتيبي (المشاركة 345828) ياهلا,, ويامرحبا,,لبيت لك عرض وطول وجمّعت لك كل الكلام اللي بوصفك اجمعه .... محاوله اكثر من رائعه يامخلف .... فعلا فيه فرق فالمستوى عن محاولاتك الماضيه ... وانا قد اخبرتك ان لديك الموهبه التي متى ما اجتهت فالتميز فأنك ستناله بكل معانيه... ياهلا,, ويامرحبا,,لبيت لك عرض وطول وجمّعت لك كل الكلام اللي بوصفك اجمعه فقط هذا البيت !! والوزن هكذا 7 7 اهلا هلا يامرحبا لبيت لك عرض وطول .. ..........

مشكور جداً


وبيض الله وجهك على هالجزله