ياركبن الي جديد الصنع ياباني = ميزات كامل خليجي مالك لا به
الشاص الالفين والسواق قحطاني= والحمل ان قاله الله يوصل اصحابه
خمسين عطفن وخمسين الف عماني= ما حمل الي يسود وجه من جابه
حول مع الجوف توه موترن ثاني= يمسح ولاشاف طقم العسكر اغوابه
يطلع لهم شرق صوب بلاد سنحاني= وراعي الحموله سرا تثليث وهضابه
يبغي يعشي عياله طير حوراني= يوم الردي طاب نومه والخطر هابه
على شعاع القمر مسرى كحيلاني = النور مفصول والرامي على بابه
قال لخويه ترى ان كان الله احياني = مانمسك لو عليه الخط دبابه
لعيون من عودها ناعم ورياني = نقظي غرضنا وكلن يقبض حسابه
ون سار شين من الله فالعمر فاني = في ساعتن كاتبنها الله في كتابه
قلته وانا من رجالن تمن الجاني=الي وزاهم بدور الصلح طلابه
ياناعس الطرف فيك الزين فتاني = لاشافك الي يحاسب ظيع حسابه