ياهيه ياللـي رض روض الحشـا رض=رض البرد روض الزهـر ليـن هلّـه
ياللي بوجـه يشبـه الصبـح عّـرض=لاتسفـك الــدم الـحـرام وتحـلـه
قلبـي مـن امـواج المحبـه تنـقـض=سـواة شاطـي تلّـه الـمـوج تـلّـه
ويشبه كسيـر جنـاح ياقـع وينهـض=مـن رعـب قناصينـه يخـاف ظلّـه
لا فض ثغر ( ن ) ضحكته زهر لا فض=باقـة ورود وبينـهـا شـفـت فـلّـه
من نافـذة بيتـك مـلا نـورك الارض=لا تكسفيـن الشمـس خافـي مـن الله
اشرق بك الوجدان بالطـول والعـرض=أنتـي ربيـع القلـب شمسـه وظـلّـه
فرضتي اسلوبك علـى دنيتـي فـرض=جـوك غـرامـك عالـمـك ماأمـلّـه
القلب يمشـي فـي غرامـك مغمـض=ماغـيـر أحــلام الـمـودة تـدلّـه
بالطيـب متسلـح وبالـعـز مكـتـظ=يهـوى السمـو ولايطـيـق المـذلّـة
لكـن انـا دايـم يعانـدنـي الـحـظ=أخشـى غـرام يـزود الطيـن بـلّـه
واخشى من اطيافك على العين تنقـض=ويطيـر عـذب النـوم دقـه وجـلّه

المشاركة الأصلية كتبت بواسطة ابوبجاد الرويس (المشاركة 362780) الله الله صح لسانكـ وبيض الله وجهكـ وتقبل مروري يالغاااالي

المشاركة الأصلية كتبت بواسطة أبو نجر النفيعي (المشاركة 362880) .. الله الله .. صح لسانك يا هلال .. عز الله انها قصيدةٍ جزله .. وبيض الله وجهك يا مبدع .. . اخوك.

المشاركة الأصلية كتبت بواسطة صنداح الزلامي (المشاركة 362984) ياهيه ياللي رض روض الحشاء رض رض البرد روض الزهر لين هله مشكور على هالقصيدة ياهلال أبداع شاعر بدون شك تقبل مروري الغالي

مشكووووووور على

هالقصيده الجميله

والرائعه

الله لايهينك

تقبل مروري

اخوك :

][`~*¤!||!¤*~`][عــــمــــر الــــراوي][`~*¤!||!¤*~`][