قالوا إلي شاعر ولا معـك جمهـور = كسبت لك مـن كثـرة النـاس قلّـه
ولالك تواجد وسط الإعـلام ولا دور =ولاوّصلت سمعتـك فـي كـل حلّـه
قلت إسمعوني واخذوا الصدق بسطور= وماقل دل ,,, وأفضـل الهـرج قلّـه
ماأكتب قصيدي لأجل ابا اصير مشهور= والأ عشان اطلـع بوسـط المجلّـه
من فضل ربي ماعلي أيّـت قصـور= شاعر محنّك واعشق الشعـر كلّـه
أنظم بيوت(ن) مابها عيـب مذكـور =تروي ضما الظامـي وريقـه تبلّـه
أعجبت ناس ٍ صابها كِبـر وغـرور = وأعجبـت ربعـي والقلـوب المغلّـه
من فضل ربي ماعلي أيّّـت قصـور= شاعر ومبدع وأعشق الشعـر كلّـه

المشاركة الأصلية كتبت بواسطة ابوبجاد الرويس (المشاركة 375340) الله الله صح لسانكـ وبيض الله وجهكـ ولاهنت على القصيجة الجزله

المشاركة الأصلية كتبت بواسطة (الثبيتي) (المشاركة 378465) صح لسانك يالعريدي ولاهنت على هالقصيدة والرجال لاصار طيب يشتهر صيته بدون المجلات أخوك/الثبيتي