عجيب طبع الناس والدنيا عجب=ناسٍ تخاويها وناس تشوتها
ناسٍ على يمناك حزّات النشب=وناسٍ على الذلّه تجر بشوتها
وناسٍ على ماقيل عمدان وخشب=حياتها علّه والاحسن موتها
مايلتقي شعبان مع غرّة رجب=ولايستوي فرخ السمك مع حوتها
ولايستوي صقرٍ على قمة هضب=مع الطيــور اللــي يجيها قوتها
من يصعد النخله على شان الرطب=ماقال ياطول النخل ونبوتها
وافواه ناسٍ ماتجيد الا الصخب=ماينتبه سمعي ولا اوحي صوتها
ماتستمع منهم سوا نقد وعتب=مايــعرفـــون البيّنــه وثبوتهــا
توحي لهم صوت كما صوت العلب=واشوا من اصوات الحمير سكوتها
عجب طبع الناس ياربي عجب=ناس نخاويها وناس نشوتها

المشاركة الأصلية كتبت بواسطة مخلف الهقاوي (المشاركة 377588) السلام عليكم ورحمة الله وبركاته تواصلاً معكم اضع بين ايديكم هذه المتواضعه عسى ان تنال قبولكم عجب طبع الناس والدنيا عجب=ناسٍ تخاويها وناس تشوتها ناسٍ على يمناك حزّات النشب=وناسٍ على الذلّه تجر بشوتها وناسٍ على ماقيل عمدان وخشب=حياتها علّه والاحسن موتها مايلتقي شعبان مع غرّة رجب=ولايستوي فرخ السمك مع حوتها ولايستوي صقرٍ على قمة هضب=مع الطيــور اللــي يجيها قوتها من يصعد النخله على شان الرطب=ماقال ياطول النخل ونبوتها وافواه ناسٍ ماتجيد الا الصخب=ماينتبه سمعي ولا اوحي صوتها ماتستمع منهم سوا نقد وعتب=مايــعرفـــون البيّنــه وثبوتهــا توحي لهم صوت كما صوت العلب=واشوا من اصوات الحمير سكوتها عجب طبع الناس ياربي عجب=ناس نخاويها وناس نشوتها