يا نجوم الليل يلي فالسماء دايم مطله=بشري بالغالي اللي غايبن مده طويله
لا ذكرته قمت من نومي سهرت الليل كله=ياوجودي من بعد فرقاك يا ناقض جديله
خده اللي مثل نور الصبح ورموشه مظله=لو ندور له مثيل اظن ما يوجد مثيله
صاحبي قفى وخلاني وزاد الطين بله=كيف ينساني وانا ماني بنسّاي الجميله
يالطيف الروح من بعدك معي عشرين عله=شوفتك غايت مراد وتبري الروح العليله
صاحبك ما عاد تدري ويش جاه وش حصله=عايش(ن) فالوقت ما يدري ولا في ايداه حيله
لا تعذبني وكثر الصد يا فتان خله=الزمن غدار ويفرق عميل(ن) عن عميله
من بعد كثر الجفاء ما كن قلبي في محله=ارحم المشتاق يلي في يدك حل وسيله
ياعديم الوصف ياللي من يشوفه ما يمله=ارجعي للعاشق اللي كل براق(ن)يخيله
وش تبى بالصد والهجران من ينشدك قله=الهواء مايرحم العاشق ولا يرحم قتيله
انت زدت الجرح جرح وملتك ماهيب مله=تدري ان القلب همه زاد ما يقدر يشيله
فيك حسن وفيك ذوق وكل غالي تستحله=كل ما اوصفك يالغالي كما برق المخيله
مار ياليتك تعّود والثناء والشكر لله=لا تقول ان العلوم اللي نبيها مستحيله