ان كان ابن ثامر ينوّ المطاريش= قله تراني باخر اثنين ماشي
نسري اليا نامت عيون القرافيش = مطالعة تال الشهر للمعاشي
على اقطمٍ مامرنوه الدراويش = وماوخذ بالتقسيط مدفوع كاشي
يشلع كما شيهانتٍ ضفت الريش = ولا للقدم فوق الابنص ارتعاشي
واليا وصلنا دار حمر الطرابيش = ميل ولزه عند باب الرياشي
ان قالك ياصاحبي مطلبك ويش = الشيك عده لايطول النقاشي
وسلم مفاتيحه لعمّاش وقريش = وانته تريح فوق زين الفراشي
واليا جهز حزت مطير الخفافيش = تله وجنب عن طريق العكاشي
طريقنا مع عقلتٍ فوقها هيش = جنوب حمّى يم هاك الدشاشي
واليا حصل في بعض الاشياء خرافيش = من ذل ماقالو على الارض عاشي
يازين تال الليل نطل النواتيش = اليا هبى خطو الذليل الهشاشي
لعيون راعيت القرون العكاريش = هذي طرات الروح والا بلاشي
اما نزلنا الدار من غير تشويش = والا رحلنا يم دار النجاشي

مخلف الهقاوي مراحب مشكور على المرور