يارايقه يافايقه والذوق من حلْوك يذوق=لايق عليك الماس وانتي بالجواهر لايقه
ياناعمه ياشامخه ياساكنه بين العروق=ياماشيه مشية مها مشيه عجيبه رايقه
ياسايقه قلبي على جمر الهوى والشوق سوق=ياسارقه فكري واحاسيس الفؤاد التايقه
ياماخذه عقل البشر بالزين والطبع الخلوق=ياسالبه عقلي وتفكيري بسرعه فايقه
ياماخذه زين القمر ياماخده لون الشروق=جاك الحلا سايق تواصيفه و لاشي عايقه
بالمختصر ياذابحه رجلٍ ربى في عز روق=يجرع مرار الشوق والمرّ المصفّى ذايقه
نسنس هوا حبك على قلبه وغنّى لك طروق=لحنٍ يهزّ عذوق نخلٍ ماتميل اعذايقه