كون اسلام :


كون بين مطير والدهامشه من عنزه ... حيث راهن زعيم الغزو عبدالله الفغم من مطير على (العفر) نياق ضاري الضبيان من شيوخ الدهامشه وتحرك الغزو من الكويت ووصلوا حول مراعي ابل ضاري وأخذوا الأبل ولحقوهم العياش بقيادة ضاري ودارت معركة شرسة بينهم أستخدم فيها السلاح الأبيض بعد نفاذ الفشق واكسروا مطير وقتلوا زعيمهم عبدالله الفغم واسترجعت الإبل... وانتشر خبر هزيمة مطير ووصل للكويت ... لمجلس الشيخ مبارك الصباح وكان من ضمن جلساءه الهجاري من قبيلة مطير ودبي المطوطح من الجميشات من الدهامشة... وكان الهجاري يقول لدبي المطوطح " بكره الفغم يجيب (العفر) نياق ابن عمك " ورد دبي عليه " والله ان كانهم على عوايدهم اللي اخبر لغير يطيح العقيد بالمحاس " وهذا الكلام على مسامع مبارك الصباح ... وعند وصول خبر الهزيمة للكويت ومقتل عبدالله الفغم ... وصل العلم لمجلس مبارك الصباح فقال الشيخ مبارك لدبي المطوطح (انشد يا دبي هذه يبيلها قصيده) فقال قصيده طويله نورد منها هذه الابيات:

ياراكب اللي ربعن كل صحصـاح =تسعيـن ليلـه يرتعـن القفـاري
يرعن زهر عشبا نبت عقب ماطاح =مقيضهن يرعن شتيـل الخبـاري
ليا من الهجن من الكويـت طفـاح =طفاح يا ما حولن عنـد ضـاري
ضاري كما نجم تعلـى بالاصبـاح= حامي برمحه مبعـدات المسـاري
يا شيخ ياللـي للكراديـس نـزاح= يوم(ن) على الأشقر كثير العزاري
يتلونـه العيـاش مهديـن الارواح= عيـاش ماهـي بعـمـارة اداري
ياسرع فزعتهم الياصـاح صيـاح= ومنهم على راس المعادي خطاري
عياش تروي مـع دهـم الارمـاح =ومركاضهم يشبع حيام الضـواري
من ضربهم عبدالله الفغم قد طـاح= عليـه عمشـا تهـل العـبـاري
اهل سربة للموت معهـم تمريـاح= ربعي مهدية الصعـب يالهجـاري
وعلمي بكاسر بيتهم عزي لهم طاح= خلـوه تلعبـه هبـوب الـذواري

عزيزي الشرقي

وشفيك زعلان يالغالي كل القبائل تتعرض لنصر وهزيمة!!!


وسع صدرك

ياحسين ما يشتك كود الردييييين &&& والا ترى الطيب وسيعن بطانه


خل بطانك وسيع ياوسيع البطان


واشكرك على مرورك الجميل

ما عليك زود


شكرا على مرورك الجميل

المشاركة الأصلية كتبت بواسطة عوني وخوالي روق (المشاركة 397724) ونعم كفو بعنزة قبيلة لها تقدير اخوي تالي الاولين فريس ناطحو فريس رحمهم الله جميعاً وغفرلهم تقبل مروري