آه من خاطرٍ ما سلا من عناه = له زمانين ضايق وهو ما سلي
فيه قداد لداد مدري وراه = شايقٍ ضايقٍ ناشبٍ مبتلي
غارقٍ في همومٍ وليٍ لواه = ذاب بالدم يجري مع الأكحلي
مير يالله بنوٍ تجيبه عساه = يشرح الروح مادام حالي شلي
حادرٍ خادرٍ مع برودة شتاه = صادقٍ من مناشيه جاء مقبلي
ينثر الماء على كل خدٍ وطاه = ضافيٍ يتبع التالي الاولي
الله أكبر ياليلٍ سحابه سراه = ما خبا برقه اللي سرى يشعلي
ينفتق في دياجير داجٍ غشاه = واهجٍ عنه ظلما السماء تنجلي
انهمر من غمامه هماليل ماه = طول ليله وهو ساكرٍ يهملي
ويوم مزنه تهشم بعالي سماه = قام يصفق على الارض صفق الدلي
صب عبّاب وجه البسيطة سباه = والسحر هاطله هاميٍ يسبلي
ثم جهّى المطر عقب وقت الصلاه = وحال دون الشفق مزنه معزّلي
ما بقى حاجرٍ ما تعدى ملاه = الغبا ممتلي والنقا ممتلي
والوكاد الخبر نقّلوه الرواه = جابوا العلم من يم ديرة هلي
سال وادي الهييشة وسالت غثاة = وفاضت مراطبة سيلها يذهلي
كن وادي الرشا يوم سيله علاه = نهر نيلٍ تعلاّه موجٍ علي
عقب يومين لج الخضار بثراه = ادبق البذر في الوادي الممحلي
اكتسى القاع والضلع عشبه كساه = ما حلا نبته اللي كسى الاقذلي
ودي الوقت كله ربيع وطراه = لكن الله على ما يشاء يفعلي
ماشيٍ في مراده على ما يراه = عاليٍ معتلي ماش غيره ولي

المشاركة الأصلية كتبت بواسطة أبو نجر النفيعي (المشاركة 398508) .. النـــــــــــــايع .. أبــــــــــــداع للغايـــــــــــه .. قصيده جزله وتسنحق الاشاده والثنى .. وصح لسانك مدد بلا عدد .. قصيده لا تمل من يقراها .. كتبت فأبدعت .. وفي انتظار مالديك من الابداع بشغف .. :) أخوك..

المشاركة الأصلية كتبت بواسطة عيضه الثبيتي (المشاركة 402413) النايع رائع رائع صح لسانك على الأبيات المتميزوه والبحر المتميز تحياتي