ثقلت خطايه وصدري فاض مكنونه=يوم(ن) ضرفي على مسراي جراني
غادرت داري وقلبي ضجّت ظنونه=معذور قلبي على مرباه وجلاني
يمّمت به ديرةٍ بالطيب معجونه=لو كان مالي بغير الروح سلواني
إلا بعد ما عرفت كنوز مصيونه=يرمي عصاة العنى من جالهم عاني
يشدون غيثٍ تسابق هاطل مزونه=افعالهم في جبين الشمس عنواني
لطامة العايل اصل العز واركونه=اقليّله في عذاب الضد شجعاني
الروح دون الخوي تنباع ممنونة=داهل ذراهم عليه المجد طوفاني
من الكرامة ورفع الراس يدنونه=احداق تفرش وفى وتغطّي اجفاني
منهم عقابٍ لزومه ينثني دونه=من عاش في فيّته ما احتاج لخواني
بلسم جروحٍ وللضيقات صابونه=يضرب على الكايدة وتطير دخاني
نواف يا قبلة المحتاج واحصونه=قدم النوايب يثور اتقال بركاني
في مجلس الطيب فكري راضت شجونه=عزٍ فخرٍ وجود وفل حجاني
لولا المعنّى تشدّه سيبة شطونه=لازمت ظل العتيبي مالله احياني

المشاركة الأصلية كتبت بواسطة محمد الزايدي (المشاركة 400629) سخي الحربي صح لسانك وقصيده جميله ورائعه ويامرحبا وسهلا في بالهيلا

المشاركة الأصلية كتبت بواسطة مرزوق العتيبي (المشاركة 400713) .. . بيض الله وجهك ياسخي ... وانتم ياحرب من القبايل التي مايضيع فيها الجميل ولا على الجميع زود .... صح لسانك ... وبيض الله وجه الممدوح والمادح .. .....

المشاركة الأصلية كتبت بواسطة السميــــــري (المشاركة 401291) .. صخي .. صح لسانك .. قصيدة .. رائعة .. بيض الله وجهك .. نتمنى ان نرى ابداعك ..

المشاركة الأصلية كتبت بواسطة خالد المقاطي (المشاركة 401751) صخي الحربي صح اللسانكــ على الطرح الطيب ابدعت الله لا يضركــــ . . . مصافحـه طيب من الطيب ماتستغرب اخوكــــ //