الاوله نبدا بذكر الله علام الغيوب=والي بعد معروف جود الناس من ماجودها
سلام تسليم الوفاء يسبق ذعاذيع الهبوب =ينصا الرجال الي ليا عقدت تحل اعقودها
ربعن عزيزين وغلاهم عندنا ملي القلوب=من سابق الدنيا تراها ماتخون اعهودها
الله يبارك في الرجال الي يعرفون الوجوب=قومن تميز في العلوم صدورهاوورودها
مني تحيه للرجال الي يحلون الصعوب=ميقافهم معروف في بيض اليال وسودها
قومن لهم تاريخ مابين القبايل والشعوب=على قوانين العرب تحفظ سلوم جدودها
عتيبه الهيلا ليا جات المواقف والحروب=تمشي على وجه البسيطه ماتضيق حدودها
قومن تحفظ حقوقها في كل دار وكل صوب=قومن تولع نارها من قو قدح زنودها
وليا مشت في الدار لايمكن تضيق ابها الدروب=ماهمهم من ركب الجمره على بارودها
حنا عتيبه شرق غرب من الشمال اليا الجنوب=مثل الجبال الي تراها ماتلين احيودها
وانا عتيبي وافتخر مانيب محتال وكذوب=من الرجال الي تراها ماتبيح اسدودها
والنعم في كل القبايل فالشروق وفالغروب=مافيه قومن غير في الدنيا خذت مقصودها
حنا عتيبه صيتنا عالي مع الناس امحسوب=نارد حياض الموت وخيار الرجال اشهودها
من ماضي الايام يوم الناس غالب ومغلوب=كم قوم تاقف ضدنا لاكن نكسر عودها
والي نوانا بالاخيذ نتوبه حتا يتوب=نارد عدود القوم ونصفي جميع عدودها
ون جاتنا العدوان لايمكن نفكر في الهروب=حنا كما السم الذحاح الي يشق اكبودها
وختامها كل القبايل طيبين بلا عيوب=صلاه ربي عد ذعذاع الهبوب ونودها