الليله الفالح حضر = واليا حضر عنده خبر
عنده خبر علم المطر = تو الليالي توّها
عطنا علومك والجديد = ياراعي الراي السديد
وانا اخبرك دايم عنيد = تو الليالي توّها

علومنا في حلها دوك السوالف كلها=والله ما ياصلّها تو الليالي توها
ياربعنا يالحاضرين سدّيتوا اعن الغايبين=في كل وقت وكل حين تو الليالي توها

وشلون تحلف ياولد = والغيب مايعلمه احد
وانته بعيد اعن البلد = توّ الليالي توّها
احدٍ كتب واحدٍ قرى = وافطن لاترجع للورى
واهل الحويه والقرى = توّ الليالي توّها

امن السنين الماضيه معطيه ضربه قاضيه=ما هي علومٍ فاضيه تو الليالي توها
احدٍ وقف واحدٍ هرب واحد ابتعد واحد اقترب=والضيط قوّاد السرب تو الليالي توها

بعطيك علمي وافهمه = صح لابوتركي وازهمه
والرقم من هو حطّمه = توّ الليالي توّها
وانته محد شاف الك اثر = ماعاد يقبل لك عذر
هجّيت عن درب الخطر = توّ الليالي توّها

الله يديم العافيه واهل العباه الضافيه=ترى الاشاره كافيه تو الليالي توها
اثرك رجالٍ عما والشمس في كبد السما=ذكرتني قوم ضرما تو الليالي توها