باسم رب البيت علام الغيوب = العزيز لي بذكره نبتدي
باسمه ابداء وارتجي حل الذنوب = واشكره وارجيه وارفع له يدي
ياالاه الخير انا مذنب واتوب = واطلبك يالرب ترحم وتهدي
بعد ذكر الله يزينن الدروب = من يسمي باسم ربه مايغدي
مقصدي واضح ومعناي محسوب = النقيه والجزيله مقصدي
اسم الي ماتجي فيها العيوب = واترك الهزله يعانقها الردي
بالسعد والخير هبي ياهبوب = ابرك الايام واليوم سعدي
السعاده وارده من كل صوب = نفتخر باليوم والله يشهدي
ليش مانفخر وحنا اهل الوجوب= فخرنا مثل المجره والجدي
لابت العتبان فيام الحروب = تكبر القالات وبساط احمدي
ثم غداء لون اللهب لون الغروب = يم حاض الموت بالرجل نعدي
كل ذيوم القضايا والكروب= يوم ساعات الزمان الاسودي
من قساوتنا تراء القاسي يذوب= وفى الوريد الخصم دمه يجمدي
والخصيم ان كان في راسه حبوب= ينطحن حبه وبالغصب يهدي
في سنام المجد ركبنا ركوب = والسماء العليا صعدنا مصعدي
وكان شح الدر من ديد الحلوب = ثم عوا وجه الزمان او غردي
نكرم الطرقي لو البطن معصوب = عن مواجيب العرب ما نحتدي
والخوي والجار فالقلب محبوب = من فعايلنا القليل نعددي
والقبايل ماش احد فيها مهزوب = مانغط النور والا نجحدي
مانقول الطيب عن ذولا محجوب = ولا نعذرب في هذولا وننقدي
لين جانا صاحب القلب الرحوب = جابه الوالي هدن للمهتدي
لاخو نوره غصب تهون الصعوب= ويتحلل كل حبل معقدي
ثم طلع شعبه من اخيار الشعوب = مايخون العهد والا يعتدي
مايخاف الادمي ينهب نهوب = يرقد امن والطريق معبدي
يالله الي ماش احد غير ينوب = تحفض النا خوان نوره مسندي

المشاركة الأصلية كتبت بواسطة ابن نجم الذيابي (المشاركة 431786) صح لسانه وبيض الله وجهه وسلمت يداك على النقل المميز يابن العم

المشاركة الأصلية كتبت بواسطة نواف العصيمي (المشاركة 431814) يعطيك العافيه على النقل وصح لسان شاعرها ولك التقدير والإحترام