الهيـــــــــــــلا *** منتدى قبيلة عتيبة - عدالسحاب اللي مزونه مراديف

هذه الابيات بمناسبة حضور لجنة دعم مزاين قبيلة عتيبة
لحفل قبيلة{الزود}
بمدينة الطائف في يوم الاثنين الموافق 10\10\1428هـ

عد السحاب اللي مزونه مراديف *** وانهل وبله من صدوق المخيله

اهلا هلا مليون ترحيب بالضيف *** اقولها عن ســمــو كـل القـبيـــله

من خاطر مافيه شكــه ولازيــف *** والصــدق واضح مايبــاله دليلــه

عن ربعي الزود رجال المعاريف *** اهل الوفا والطيب واهل الجزيله

يا ربعنا العتبان ياهــل المواقيـــف*** تشريفكم للحفل يحـسب فضــيله

وانا عتيبي والنسب فيه تشريف *** تشريف واضح فوق راس الطويله

عتيبه الهيلا هل الخيل والســيف*** الســـيف يشهد والخيول الاصيــله

في ماضيِ ظلا يلــج الغطاريـــف*** ابليـــس والفتــنه ونـار الفتـــــيله

واليوم عم العدل روس المشاريف *** في ظل حكــام السيوف الصقيله

آل السعود اشراقة اللون والطيــف*** فجــرِ جديد لعين نــاعس كحــيله

المملكــة وان هب ريح وعواصيف*** من دونها كل العطايـــا قليـــلــه