عندي رسالة ولا أدري من بسلمها = فيها علوم جزيلة مالها والي
إحترت فيها ولا أدري وين أيممها = ودونت موضوعها في وضعي الحالي
بإسم أهل الطيب باديها ومبهمها = تكفون ياللي لكم في المجد منزالي
خمسة عشر عام حكم الشرع مبرمها = الحكم قاصر ولا أدري وش تبقالي
وبنخى القبايل وبزهم لين أليمها = بإسم القبايل رفعت بصوتي العالي
وأنخى شيوخ تفاخر في محازمها = خطو أبلج لثقيل الحمل يحتالي
شيخ ولد شيخ وجموعه تقدمها = بدعوى شريفة لها مبدأ ومدخالي
تكفون حالي زمان البين ضايمها = وين أنت ياللي لواجبها تعزوالي
لولا الرجاجيل تذكر من قدايمها = ماكان باقي لكم ذكر على بالي
ولولا الرجاجيل تدفعها عزايمها = كان إستوى عندنا الأول مع التالي
ولولا المواقف تبينا عضايمها = ماطابقت عندنا الأقوال الأفعالي
ولولا الرجاجيل تلزمها لزايمها = كان الملازيم ضاعت بين الازوالي

شعــــر / محمــد بــن دحيــم عبيــان الدوســري