مبروك فوز اعتابة العز والطيب=في ملتقىً حتى الخواجه درابه
مبروك فوزمكملين المواجيب =اهل الفعول وشحم حيلاً تشابه
فوزًيسجل مااشرقت شمس وتغيب=من عصرنا الحاضر لعصر الصحابه
والفوزيكتب للشيوخ المناجيب=اللي لهم في العزمجد ومهابه
ماواحداًمنهم دخل عرقه العيب=لامن خوال ولاعمام وقرابه
ذخر الشيوخ موسعين المضاريب=من فعلها تشبع جياع الذيابه
دخيلهم لوهو من اقصى الاجانيب= يبقى دخيل الوجه ممن جنابه
يوم الزمن غثبر علانا المشاريب=جينا لنجد ونجد صفي شرابه
ماجاتنا بمعاهدات ومكاتيب= ولا بحبة خشم ولاطلابه
جتنا بضرب امصقلاتاً محاديب= ونمرً تفرق كل لابه ولابه
حتى استوانا في علو المراقيب=والناس كلاً هابها من عتابه
نفرض ولاتفرض علينا المطاليب= والنا عماد البيت والنا طنابه
والفوز سجل للشيوخ المناجيب= بيتاً عزيزً دايماً يلتجابه